Gihatagan og dakong pagtagad ang kalambigitan sa sub-consious ug ingon man ang kalambigitan niini sa SPIRIT POSSESSION PHENOMENON. Matud pa ni Baldwin nga ang ma attached spirits wala masinati sa ilang host nga nagpasabot nga kun sa unsang paagi nga nilihok ang sub-conscious nga lisud hisabtan sa aktwal nga kahimtang sa panggawas nga mga hitabo.
Nga sa ato pa, ang gidudahang mga alien entities ang naglihok sa ang-ang sa sub-conscious. Matud pa ni Loyd Auerbach usa ka parapsychologist: "Walay katinuan nga angayang ilambigit ang hunahuna kalabot sa demonyo diha sa reyalidad nga wala magagikan sa Id o sa Sub-Conscious.
Ug gani si Carl Jung ang nipasidaan kanato segun sa iyang pagtulon-an kalabot sa Archetypes: Ang pinakakuyaw mao nga kun gitugotan nato ang atong kaugalingon nga mahulog sa madanihong impluwensiya sa atong mga archetypes. Mahitabo kini kun ang mga larawan o mga imahen sa archetype ang wala hatagi og kahigayonan nga mahigmata o mamahimong gawasnon nga moresulta sa usa ka Gipanulayan nga Kahimtang. Ang interesante mao nga kasagaran sa mga hinungdan ning maong panghitabo (Spirit Possession Phenomenon) mao kining mosunod: Drugas, Alkohol, Depresyon, Paghambin og mga negatibong emosyon, ang sa kadugayan idigwa sa unconsious kay lagi dili na kini kayang dad-on pa. Ang host kun ang biktima nga dili makadawat niini ang nagtuo nga ang maong mga panghitabo nagagikan sa mga linalang o pwersa nga anaa sa gawas sa iyang kaugalingon.
Mga pwersa nga dili matugkad sa yanong panabot. Husto man tuod ang paghulagway nga ang maong kahimtang usa ka demonized state apan ang mga demonyo anaa sa sulod sa tawo mismo ug wala sa gawas niya. Anaa sa iyang Unconscious State.