Correct ang USJ-R

Kinsa man ko nga mag-apil-apil ning maong controversy, apan, bisan kinsa ko, ako moingon nga husto ang USJ-R sa ilang desisyon nga maka-graduate ang babaye. Of course, wala sila moingon nga maayo ang gibuhat sa babaye.

Alang nako, personal kadtong binuhatan  sa babaye – sama sa daghan kanato nga nagbuhat sa ingon. Ang deperensiya lang kay nagtagotago kita, samtang ang babaye, nagpa-video gyud.

Walay labut ang USJ-R sa gibuhat sa babaye, walay labut ang iyang mga classmate ug mga schoolmate, ug labaw pang walay labut ang ilang uniform. Busa, husto ang USJ-R sa nakab-ot nila nga disisyon nga mahimo mo-gradwar ang babaye, inay pahamtangan og silot, sama sa expulsion.

Samtang wala kita mauyon sa gihimo sa babaye, kaylagi premarital sex, diin kanatong mga Katoliko, usa kini ka dakung sala, apan, kinsa man ta nga mohikaw kaniya sa iyang ugma?

Nakasala pa, unya ato pa gyung inudnod sa lapuk?

Papasohon ba? Kun di siya mauwaw, mahimong mopaso. Apan, kun ako maoy siya, di lang ko mopaso. Igo na ang diploma.

By the way, mahitungod niining pagpaso on graduation night, sultian ta mo nga pag-graduate nako, waa ko mopaso. Katulo kono basaha ang akong ngalan, apan, walay Antolin de la Serna nga mitunga.

 Di ta lang mo sultian nganong waa ko mopaso. Waa moy labut. Basta, kay waa ko ma-involved og sex scandal, waa suspension order, ug walay overpricing. Diin ko graduate? Sa Xavier University, Cagayan de Oro City, kanhi Ateneo de Cagayan. Sa ato pa, produkto ko sa mga Jesuits.

Busa, alang nako, mopaso o dili, no big deal kini alang kanako. Infact, kanang paso-paso dugangdugang lang sa gasto. Ang atong maani, ang mga pakpak ra gyud. Of course, ang graduation usa ka dakung event sa atong kinabuhi, labi na sa mga ginikanan.

Akong usbon, husto ang gibuhat sa USJ-R. Lahi na kaayo ang kalibutan kanhi ug sa karon. Daghan na kaayo ang mga tentasyon. Anaa na sa tanang matang sa media, labi na sa telebisyon  sa cinema, ug sa computer. Puno sa sex ug violence ug accessible kaayo sa mga bata ug mga batan-on. Maoy hinungdan nga misiaw ang panglugos ug patay nga kasagaran buhat sa mga batan-on.

Ang nahitabo, usa ka dakung pagtulon-an, an eye opener both sa mga batan-on ug mga ginikanan. Usahay god, gumikan sa ka-busy pag-ayo sa mga ginikanan, wala nay higayon pagpakabana sa mga kalihokan sa ilang mga anak. Hinungdan nga daghang mga batan-on karon uhaw ug hinikawan sa pag-amuma ug paghigugma sa mga ginikanan.

Wake-up call kini alang kanatong tanan. Dili kini usa ka isolated case. Lagmit daghan  ang nagbuhat niini … waa lang magpa-video.

Unsa to? Sa bugno karon between sa good batok evil, morag nagmadaugon ang evil. It seems nga ang evil forces kanunay’ng triumphant. Ngano man ni? Unya, daghan ra ba nato tua laban sa nagmadaugon nga panulay.