Ang gahom sa kalipay

Gihan-ay nato kadtong walo ka epektibong sambog o ingraygens sa tambal alang sa kalipay sa kinabuhi. Aduna sab kini mga unom ka maayong epekto nga ato gayud mismo masinati ang kusog o ang gahom niini sa atong pagbati nga maoy motudlo o mopa-angay sa balance nga sikolohiya. Mao kining mga mosunod;

1) Nahimo nga matinud-anon diha sa pakigsandurot o pagpanginlabot sa katilingbanon nga kalihokan. Gihangad o girespeto nga may pagdayeg gumikan sa katakos sa pag-unong sa mga mapuslanong kaayohan alang sa kadaghanan.

2) Nahimo nga seryoso sa trabaho. Masaligon nga di basta matandog nga ma-apektohan sa unsa mang mga sungog o mga pagsulay ning kinabuhia.

3) Nahimo nga matinabangon sa katilingban. Mang-gihunahunaon ug maalagaron nga nahimong kalipay ang kasingkasing nga abli sa katawhan.

4) Ang pagbati nga malipayon sa kinabuhi. Dili paigo ang tanang butang nga langkubon man way makatumbas ni makahulip sa kinatam-isan nga bation.

5) Ang paglugway o nitaas ang kinabuhi. Kay mao man kini ang direkta nga epekto kun himoong istilo nga permi ibalanse o patas ang hunahuna ug pagbati.

6) Ang paglikay sa demalas. Kay mabuhat man ang hustong disisyon pinaagi sa pagtimbang-timbang o paghashas sa kaangayan diha sa isip ug emosyon.

Busa bililhon kaayo nga mabati nato kining matam-is nga epekto…. Nga mao ang tugob sa kalipay ang kinabuhi, agad sa hugtanong disiplina sa kaugalingon.  Kun atong palapdan ang panglantaw ning kinabuhia, dili imposible kun tinguhaon gayud dili ka mapakyas sa pag-angkon ning kina bililhon ang mithi o hiyas.

Sagad nga pagtuo sa uban, gihimong hanig ang pagtigum og daghan salapi alang sa iyang kaugalingon apan pakyas gibati ang tinuod makalipay sa kinabuhi.

Show comments