Sa ngalan sa kaangayan

Matud pa sa nobena sa Mahal nga Inahan sa Kanunay’ng Panabang:" Nga ang Mamumuo, Hatagan sa Hustong Suhol Tungod sa Hustong Buhat." Usa ka Madre niingon kanako: " Tarungon lang ang Misa, Maayo na kana." Husto siya apan dili pa kini paigo. Dili lang kay imong tarungon kondili pangandaman gyud labina kun maghisgot kita sa wali, pamiste, ingon man sa takna.

Ang kaangayan nagdapit og sensitivity sa masigkahabig. Likayan ang bisan unsang matang sa POWER PLAY. Adunay mga higayon nga ako mapungot apan wala kini magpasabot nga ako maghinawod dunay mga butang nga angayang tul-iron nganhi kanako ug sa mga Parokyano. Anaa ang kaluoy ug gugma ug kuyog niini usab ang disiplina.  Aron mamahimo kang epektibo buhata usab kini mismo sa imong kangalingong kinabuhi. Dili rason nga ikaw PARI aron ikaw magsalig.