Pagpamalandong alang sa Malangkubong Kaayohan
Si Pekto misulod sa usa ka inilang kan-anan niduol gilayon ang waiter aron pagkuha sa iyang order pinaagi sa paghatag sa menu apan wala siya’y nasabtan bisan usa kay lagi “stateside” man ang mga ngalan nakalingi siya sa iyang katapad nakaideya siya sa pagsunod sa matag sulti sa maong tawo. Sa matag order sa maong customer iya pong orderon. Nakaalingat ang iya katapad ug gibati og kapikal sa pag sumay-sumay ni Pekto. Sa katapusang order sa tawo niingon kini “tagai pod ko og tootpick” sunod sad si Pekto. Niulbo na sa kasuko ang tawo nibarog ug dayong bunlot ni Pekto. “Unsa man nang imo bay yaga-yaga”? Nitubag pod si Pekto, “Ngano man diay ikaw ra ang makamaong mokaon og toothpic”?
Ang pagbuhat og dinagko nga butang dili man dautan apan nagkinahanglan kini og igong panahon sa pagduki-duki aron sa ingon maayo ang resulta. Kung mobuhat ka og butang nga wala mahiangay sa imong katakos mahimong kapakyasan ang imong maangkon ug mahimo kang kataw-anan.
Busa kinahanglan nga hatagan og lugway ang pagkat-on, aron mahimong hapsay ang imong kinabuhi.