San Remegio, Cebu
Kaniadto si Gabriel ‘Flash’ Elorde ang world lightweight champion sa 1960’s nakatilaw ug nahiagom lang og kapildehan kausa ka higayon dihang gipildi ug gi-knockout siya ni Mario Ortiz sa 1967.
Sukad sa iyang kapildihan, miretiro na siya og pamoksing hinunua nagpatukod siya noon og usa ka Elorde boxing gym diha sa Parañaque.
Apan ang Filipino boxing superstar nga si Manny Pacquiao kaduha mapilde sa natad sa pamoksing. Una, gipildi siya ni Timothy Bradley apan ang ikaduhang kapildehan niya nga nakatulog siya og dugay sa sixth round sa kamot ni Juan Manuel Marquez nahitabo kaniadtong Domingo (Diyembre 9, 2012) nga gihimo didto sa MGM Grand Arena Las Vegas, Nevada.
Nganong nagkaawop na man ang karera niya sa pamoksing? Sigon pa sa mga haka-haka o estorya-estorya, napilde siya tungod kay mibalhin na siya og Relihiyon nga mao ang Christian-born again. Wala na siya manguros, magluhod ug mag-ampo sa wala pa magsugod ang sambonot dili sama kaniadto nga makita nato sa mga tv screen nga magkwentas gyod siya og rosaryohan. Ikaduha, wala na siya maka-concentrate pag-ayo sa iyang training kay nahimo na man siyang usa ka artista, singer, product endorser ug congressman sa Sarangani province. Gihakop na man niya ang tanan. Gikompirmar sa iyang coach nga si Freddie Roach kulang kaayo si Pacman sa training.
Hala, Manny sige pa aron motidlom og samot ang karera mo sa pamoksing!