Kanunay kini nga gipahinumdom sa mga doktor ngadto sa dunay mga edad na:
Ayaw kalimot sa tulo ka tunga sa minuto ug sa tulo ka tunga sa oras. Kun atong sabton ang tulo ka tunga sa minuto, kadaghan na sa kinabuhi ang maluwas nga di angay gastohan bisag sensilyo. Dunay mga tawo nga gahapon lang nakit-an nato apan karong adlawa patay na.
Kay ngano man kini? Tungod kay kun mangihi sa gabii, kalit lang mobangon maong mahilo ug matumba kay nakulang sa dugo ang utok. May mga tawo sab nga nihubag ang prostate gland, nga sa sobrang utong sa paglibang o pag-ihi, mihunong ang pagpitik sa kasingkasing. Segun sa pagtoon, ang kalit pagbangon sa gabii, nahimong hinungdan sa pag-us-os sa presyor sa dugo.
Mitambag ang mga eksperto, nga di dayon mobangon kung momata sa gabii, maghuwat og tunga sa minuto. Inigbangon, pabiling maglingkod sa higdaanan og tunga sa minuto. Dayon ilaylay ang mga bitiis sa kilid sa katre ug usa pa ka tunga sa minuto. Busa ayaw kalimot kay dako kini nga tabang nato.
Mao usab kini ang laing tulo ka tunga sa oras. Una, mag-ehersisyo og tunga sa oras. Lakaw-lakaw lang nga di momenos sa 5 ka kilometro. O kaha bisa’g unsa nga di pugoso nga ehersisyo. Ikaduha, matulog o motagpilaw og tunga sa oras, aron di kapoyon sa hapon, labi nag edaran, dugay makatug apan sayo momata, busa angay mopahuway sa udto. Ikatulo, maglakaw og tunga sa oras, sulod sa oras nga alas-6pm ngadto sa alas-7pm. Nindot kaayo ang katulog nimo.
Ang kahibalo sa panglawas sa yanong paagi mas bentaha kaysa kahaytik na karon sa modernong panambal apan sobra ka mahal nga lisod nga maabot o mapuslan niadtong anaa sa labihang kawad-on.