c. Diha sa pag-ampo, mamahimo kitang abli sa lihok sa Espiritu Santo. Diin atong makaplagan ang kabubut-on sa Dios alang kanato pinaagi sa malamdagong giya sa Espitu Santo.
d. Diha sa pag-ampo atong hipalgan ang atong kaugalingon diin atong giangkon ang atong kahuyangan, kakulangan ug mga kasal-anan. Nga sa atong pagkaplag niini atong masinati ang atong dakong panginahanglan sa Dios. “Kay kun wala ako, wala kamo’y mahimo”26
PANAPUS
Ang kinabuhing maampoon, kinabuhi sa balanse. Si San Francisco de Sales nagkanayon: “Ang buhat nga hawa sa pag-ampo, walay hinungdan ug ang pag-ampo nga hawa sa buhat usa ka mini nga debosyon!” Si Obispo Teofilo Bastida Camomot ang mipakita niini pinaagi sa paglangkob sa inadlaw’ng buhat ingon nga pari diha sa kinabuhing maampoon. Si Obispo Teofilo ang wala mag-ampo alang lang sa iyang kaugalingon kundili alang usab sa uban. Dugang pa, iyang gidala ang si bisan kinsa nga mag-ampo ngadto sa Dios Amahan, Anak, u9g Espiritu Santo.
PANGALAGAD27
Ang epektibong pamaagi ni Obispo Teofilo Camomot sa pagpangalad
a. Uban sa iyang katawhan
Laagan ug suryonan siya nga pagkatawo. Segun sa mga testimoniya siya mosuroy gyud ngadto sa iyang mga parokyano bisan pa man sila kalayo. Mogahin siya og igong panahon diha sa paghatag og mga pagmaymay ug mga pahimangno diha sa mga nagkadaiyang tigom sa kapunongan sa simbahan. Ug kay duol man siya kanila ug ila man siyang nasinati, natural lamang nga masabtan nila ang ilang gibati ug mga panginahanglan. Iyang gitudloan ang mga tawo pinaagi sa iyang sanglitanan sa pagbasa sa ilang kaugalingong mga kahimtang. Ang iyang gihimo nga pakighugoyhugoy sa iyang panon mao ang gitawag natong. Kukabildo sa kinabuhi28. Sa laktod, sayon siyang duolon ug sayon usab nga pangitaon.