Love story

Dear Banat News,

Maayong buntag sa suking readers sa Love Story dinhi sa Banat News. Ako diay si  Mhelai, 23  years old .

Permi gyud ko  mobasa og Banat News, ilabi na sa Love Story matag Martes duna ko’y uyab ron, si  Kian, 23 years old  pud siya.

Tulo  ka tuig na ang among relasyon ug nagkaila mi tungod lang anang jam-jam og laag sa among common friends.

Ang akong friend nga si Bambi maoy nagpaila-ila kang Kian kanako, katong nanglaag mi sa  usa ka resort sa Tabuelan.

Susama mi nga walay uyab kaniadto maong wala ra gyu’y babag kun magpangayoay mi sa among mga contact number.

Bitaw, pag-una nakong kita ni Kian,  na-gwapohan dayon ko niya, pero kutob ra gyud sa crush ang naa sa akong hunahuna, lain man sad kaayo kun mag-assume ko nga makagusto siya nako.

Sagunson ang among pag-chat chat sa messenger naganahan sad ko kay maghisgot pud siya about life ug dili ko laayan niya.

Siyempre, dili gyud ko magpaklaro nga  naa koy gusto niya,  kay ulaw sad baya kaayo.

Ako ra gyud pasagdan ang sitwasyon hangtud nga maganahan rapud siya nako.

Sa dihang naabot gyud ang panahon nga nanghagad siya og date, gikilig gyud ko og maayo .  Wala ko kalimot, diha gyud  mi nag-date sa usa ka restaurant sa Mabolo. Ganahan ko ni  Kian, tungod kay  grabe ka lambing, maong masaypan siya nga gay sa akong close friends.

Nangutana gyud ko niya if gay ba siya, dili man daw, mahinhin lang gyud siya nga pagkalalaki.

Sa duha ka bulan namo sa pagsige og date,  official na gyud siya nga nanguyab nako,  ug deretso dayon og sugot uy. Total,  hagbay ra baya nga sweet ang pagtratar namo sa usag-usa ug grabe na ang among paginilhanay.

Wala nako damha, sa dihang nagkadugay ang among relasyo, nagkagrabe ang iyang pagkamahinhin.

Nagduda naman ko, maong dunay higayon nga akong gikuti-kuti sa chat ang usa sa mga suod niya nga higala.

Moingon gyud ang iyang higala nga lalaki gyud si Kian.   Seguro ako nalang siya sabton, lain man sad kaayo nga iyang ilaglag ang iyang friend.

Wala ko kaantos,  ako gyud gipangutana si Kian. Grabe ang among pag-istoryahanay, hangtud nga niangkon siya nga maya daw siya sauna pero ganahan na siya nga mag-usab maong gipanguyaban ko niya.

Desidido na gyud siya nga  maglalaki kay dili siya ganahan madismaya ang iyang ginikanan kay siya raman gud usa anak.

Ganahan ang iyang ginikanan  nga makabaton sila og apo ug magminyo siya og girl.

Nakahilak ko sa iyang gisulti ug akong na-realize nga tawo rapud siya ug hatagan nako siya og tsansa sa iyang pag-usab.  Bisan paman nga maya siya sauna, wala raman sad nausab akong feelings niya.  Ako ra nga gidawat ang iyang kagahapon, ang labing importante nga malipayon ming duha.. Request diay ko sa lyrics sa Leaves sa Ben and Ben,

* * *

Hi Mhela! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News