Nagpahipi nga feelings

Hi Medyo Maldito, tawga nalang ko’g Inday. Naay usa ka guy nga akong naila-ila. Una pa gani tung panagkita namo, na-amaze gyud ko niya. Dili  klase nga tawo nga  head over heels sa usa ka person.

Pero lahi ra siya,  tanan nako nga standards sa laki kay nawagtang. Di kaayo siya gwapo pero grabe ka smart and witty maong ganahan kaayo ko niya. Karon, naa na siya abroad pero mo balik daw siya diri sa Cebu next month.

Wa mi ga-istorya, akong chance ra nga naka chat niya kay atong New Year aron i-greet siya. Mao ra to, gikilig gyud kaayo ko’s iyang reply bahala’g generic ra kaayo to nga tubag.

Anyway, galibog ko’s akong buhaton. Should I give up o magpadayon pa ba gihapon ko ani akong damgo nga pwede ming duha?

* * *

Ang pag -give up, para na atong mga ni-try, nahagba , ug dili na ganahan  mopadayon. Inday, ang pag give- up, dili na para nimo. Dili na angay sa imong sitwasyon karon. Nganong mag- move on naman ka niya nga wa paman gani kaayo mo nag- istorya.

Nganong mag-move on naman ka? Wala ka kahibaw, basin diay ganahan pud siya nimo. Move on lang kung naa na siya’y uyab. Kung pareha mo single, wala na’y  problema. Nakanindot sa single, pwede ka maka-crush bisan kinsa ug bisan pila pa. Ang importante, kahibaw ka mo-control sa imong feelings.

Kung kahibalo ka mo-control sa imong feelings, dili ka dali masakitan.

Mura ra gyud  na’g skate board. Kinahanglan, kahibalo ka mo-balance aron di ka mahulog.

Sakit raba mahulog labaw na kung way mo-catch nimo. Nakapaet lang, di pareha sa mga laki nga kung naa’y magustohan, pwede ra panguyaban. Ang mga babaye, kung naa sila’y magustohan, kutob ra sa pagtan-aw. Ang imong mabuhat nalang   karon, kay  naa man siya  sa abroad, puwede ka makig-chat niya.

Di man sad siguro sayop kung babaye ang mo-initiate sa conversation. Kung makig-chat o makigstorya ka niya online, maka-ila gyod nimo siya og ayo ug naa pa’y chance nga makagusto siya nimo.

Alang kanako, sayon ra kaayo higugmaon ang mga babaye nga lami ka istorya. Wa ka kahibaw basin sa sunod, ikaw na ang reason nganong muuli siya. Good luck, Inday!