Love Story

Dear Banat News,

Hello sa tanang avid readers Banat News. Tawga lang ko sa pangalan nga Raya, 29 years old ug nagtrabaho isip usa ka call center agent.

Dugay na gyud ko ganahan magpadala sa akong love story, pero karon ra gyud ko kalugar.

Duna ko’y boyfriend ron siya si  Mark, 27 years old ug nagtrabaho sa usa ka restaurant.

Sa tinuod lang wala gyud ko nag-expect nga magkauyab ming duha kay dili gyud ko ganahan niya uy kay mura’g hambugeroon man gud ang linihokan niya. Nagkaila mi ni Mark tungod ra pud sa among common friends ug nagka-jam mi sa mga tagay.

Dili gyud nako siya feel pag-una ug napugos na lang ko og tagad niya kay permi man gud mi songugon sa among barkada.

Tayming pud nga bag-o lang mi nagbuwag sa akong uyab sa una maong nakahuna-huna ko nga ako kalingawan si Mark kay nakabantay na man pud ko nga nagpa-cute siya kanako.

Gusto ko nga dali ra ko maka-move on sa akong uyab sa una maong bad girl kay ko sa una kay gihimo ra nako nga panakip-butas si Mark. Sa pagsige namo’g date ni Mark, wala ra ko’y feelings niya kay naa sa akong hunahuna nga  ako siya nga kalingawan.

Dunay higayon nga makabantay siya nga wala ko’y gana makigkita niya pero mosabot ra pud siya.

Nagparamdam si Mark, ug nidiskarte siya kanako apan ako siya nga giprangkahan nga dili pako andam mosulod og uyab-uyab. Apan nitubag siya nga dili gyud siya mo-surrender, bahala’g dili pa nako siya feel, naglaum siya nga maabot ra gyud ang panahon nga makat-on ra ko sa pag-love niya.

Na-shock ko sa iyang mga tubag ug ako na lang siya nga gipasagdan sa pagsige og pa-cute nako. Kun makig-date siya nako mosugot na lang pud ko labi na kun dili ko busy. Niana man siya nga ipamatuod gyud niya kanako ang tinud-anay niya nga gugma busa andam siya magpaabot bisan kanus-a.

Sa pagsige namo og uban akong na-discover ang iyang pagka-boutan ug pagka-Diosnon. Daghan kaayo ko og na-discover kaniya grabe siya ka humble pud ug  dugay kaayo siya nisulti nako nga manager diay siya sa usa ka restaurant.

Iyang gisulti sa una kay  crew ra daw siya  ug gi-briefing diay niya ang akong friends nga dili ipasaba ang iyang trabaho aron magpabilin siya nga low profile.

Mutuo mo o dili, 11 months gyud ang iyang pagpanguyab nako ug didto ako dayon siya gisugot. Sakto gyud siya  nahitabo gyud ang iyang giingon sa una nga ma-develop rako niya.

Para nako importante kaayo nga ila-ilahon gyud nimo og maayo ang tawo nga modiskarte nimo aron dili ka magmahay sa imong desisyon.

Happy kaayo mi sa among relasyon ni Mark, ug tulo na ka tuig ang among relasyon karong June.   Mo-request lang ko sa lyrics sa With A Smile by Eraserheads.

Hi Raya! Thank you so much sa imong LOVE STORY! Paabuta ugma puhon ang imong request

* * *

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News