Nausab og kalit

Medyo Maldito, ako si Josh. Naa lang gyud ko’y pangutana. Sala nako nga nasakitan siya bisan og kahibaw siya ug nagsabot nami nga dili gyud  magseryoso? First of all, siya ang di ganahan mag-in a relationship mi kay naa siya’y priorities. Ganahan siya mag- focus sa iyang studies and di ganahan iyang parents nga naa siya’y uyab. Maong ako, nisabot ra pud ko. Giingnan nako siya nga willing ko mo huwat niya. Sige mi’g kuyog duha. Kahibaw ko nga dili  pa mi pwede nga mag-uyab  pero akong treatment niya, special gyud kaayo. Until one day, niingon siya nga na-fall na siya nako. She told me nga ganahan kaayo siya nako pero dili  pa gyud pwede. Nagsabot mi nga dili  lang sa mi magseryoso, MU MU nalang sa ming duha. Mutual Understanding ba. After a month, naa ko’y gipanguyaban lain. Suko kaayo siya nako ug tanan niya’ng friends. Wa ko kasabot ngano. Siya man ang dili  ready. Nganong siya man ang masuko?

* * *

Josh, first of all, gipa-feel nimo niya nga special kaayo siya ug love kaayo nimo siya. Niingon pa gyud ka nga willing ka maghuwat niya. Karon, mangutana ka kung sala ba nimo nga siya man ang dili ready? Mura ka’g ni order sa fastfood. Giingnan nimo nga willing to wait ka’g 10 minutes para sa thigh part, pero wa pa’y 10 minutes, nireklamo ka nganong dugay. Nasakitan siya kay nipasalig ka nga maghuwat ka niya. After ka niya giingnan nga ganahan na siya nimo, diha na hinuon  ka nangita og lain. Josh, dili man unta siya judge sa The Voice pero ngano imo man siya’ng gipatuyok. Naa ka’y sala nganong nagsakit siya karon. Pero siya pud, naa pud siya’y sayop. Dili  tungod kahibaw siya nga maghuwat ka, mag-expect na pud siya nga maghuwat ka pirmi kung kanus-a pwede. Kabantay ka anang mga jeep,  muhuwat na sila pero kung mapuno, muhawa na. Muhawa na kung naa na’y laing sakay. Murag tawo, muhawa na kung naa na’y laing sulod ilang heart. Akong matambag lang nimo, Josh, talk to her. Pasabta siya nga naa na ka’y laing nagustohan. Dili  man pud nimo pwede ipugos imong kaugalingon niya tungod lang sa imong promise, di ba? Kung kinsa gyud imong gusto, mao ang pilia. Pero dili  tungod naa na ka’y nakita nga bag-o, mubiya na ka diritso. Kung naa na ka’y laing gihigugma, ug dili na gyud siya ang naa sa imong kasing-kasing, ingna siya. Pasabta siya aron di na siya maghuwat sa wala. Mas maka-focus na siya sa iyang pag-eskwela.