Nagdahom

Dear Medyo Maldito,

Ako si Sheila Mae, 18 years old, taga Cebu. Graduating na ko karon,  ug mahadlok ko kung mu-graduate ba ko this school year o dili. Daghan kaayo requirements nga makaboang ug naa pud ko'y friend nga gasamok samok pa gyud sa akong huna-huna. Nganlan nalang nako siya'g Ralph - dili niya tinuod nga pangalan. Kani si Ralph, school heartthrob. Daghan gyud kaayo naboang ani niya ug basin apil nako ato nila. Nagka friend mi kay naa mi usa ka subject nga classmates mi and naka group pa gyud nako siya sa usa namo ka activity. Didto nako nakuha iyang phone number kay kinahanglan gyud namo mag-communicate aron mahuman among group project. Before, di pa nako siya crush pero pag-text niya nga lahi ra daw ko sa uban girls, didto ko nasugod og kaibog niya. Tanan gyud willing nako buhaton para niya. Manghatag pa ko niya'g leakage sa exams, tudloan siya unsa'y mugawas sa exam, tanan. Ang naka pait aning Ralph, mo message ra siya kung naa siya'y kinahanglan nako. Kung message ko niya, ma "SEEN" ra gyud akong mga chat. Basahon ra, di replyan. Maong na feel nako nga gagamiton ra ko niya. Mas maayo ba nga mag move on nalang ko?

* * *

Shiela, og naa'y mo text nako kung naa ra'y kinahanglan, ako ra pud sila'ng replyan kung ganahan. Sa imong case, mo reply gyud ka niya diritso kay crush gud nimo. Giingnan gud ka niya nga lahi ra ka sa ubang babaye. Pero sure kaha ka nga ikaw ra iyang giingnan ana? Sa mga reply pa lang daan, mahibaw-an na nimo kung importante ka para niya o dili. Kung wa ka'y reply  nga madawat, kahibalo naka asa ka molugar. Dili naka kinahanglan og Google maps aron mahibaw-an nimo sa ka molugar. Kay kung importante gyud ka para sa usa ka tawo, dili  na nimo ipugos imong kaugalingon sa iyang kinabuhi. Siya na mismo ang mo hatag og space para nimo sa iyang life. Kung gi- 'SEEN' ra ka niya, think positive. Basin   wala siya ka reply kay you left him speechless. Ingon ana imong epekto niya. Pero seriously, ayaw na'g ipadayon ang pag-spoon feed niya. Hatagan nimo siya'g leakage sa exams, basin dili  gyud ka maka graduate kung  masakpan mo. Focus na lang sa imong pag- eskwela kay hapit na baya ka mo graduate. Aron di ka i-'SEEN', ayaw og chat niya. Kinahanglan, PUSHER ka kung USER siya. Dili sa drugs ha? Kinahanglan PUSHER ka kay ituklod nimo siya palayo kay USER man siya. Gigamit ra ka.