Medyo Maldito,
Maldito, ako si Joey ug naa ko’y uyab nga grabe ka selosa 9 years among gap, 19 years old pa siya. Selosa siya kay masakpan man gud ko niya pirmi nga naay laing ka-chat. Wala ko kahibawo nga naa diay siya’y access sa akong Facebook kay naka log in man ko didto before unya wa nako na log out. Hangtod nakig buwag na gyud siya nako. Grabe gyud siguro kasakit iyang na feel maong nihawa na gyud siya. Pero wa ko nag expect nga mapulihan ko niya pila lang ka semana. Wala gyud siya nasayangan sa among mga memories together. Na hurt lang ko’g ayo kay na-realize nako nga wa nako’y papel sa iyang kinabuhi.
* * *
“ Wa gyud siya nasayangan sa among mga memories together. Wow, coming from you basin nalimot ka nga ikaw ang nagbinuang. Nihawa siya kay nasakitan man siya. Tawag ana, karma na nimo. Diha pa gyud nimo ma-realize ang worth sa usa ka tawo kung mohawa na siya. Diha pa nimo ma-realize nga importante sila kung uwahi na. Kung moingon ka’g sayang inyong memories together, basin niingon pud to siya nga ikaw ang sayang nga di na angay’ng balikan. Kaluoy pud nimo Joey. Maypa ang patay naay 40 days. Ikaw pila ra ka semana gikalimtan na niya. Nailisan na kung magkita mo utro niya, ingna siya nga bilib ko niya. Kay dili tanan babaye maka-realize diritso sa ilang worth. Ang uban di gyud mobiya bisan og gibinuangan na tungod kay love lagi kaayo nila ilang mga uyab. Pero siya, kahibaw siya when to hold on ug kanus-a pud angay mo let go. I am just hoping nga kana iyang bag-o karon nga uyab, dili na pang-rebound lang. Unta wa siya nangita og bag-o para lang mapasakitan ka or para lang himuon og panakip butas. Karon, nasakitan ka kay na-realize nimo nga wa na ka’y papel sa iyang kinabuhi. Kabantay ka anang mag-exam sa school? Kung masakpan ka mag cheat, kuhaon sa teacher ang imong papel. Mao siguro’ng ila na’ng kuhaon kay practice na sa gugma. Kung mag- cheat ka, pasabot ana, wa na kay papel sa iyang kinabuhi. Aw naa pa diay kay papel sa iyang kinabuhi. Scratch paper lang.