Dear Banat News

Dear Banat News Hugyaw,

Hello sa  tanang tigbasa sa Banat News! Ako diay si Janina, 28 years old, call center agent ug taga Danao City. Ipaambit diay nako ang akong lovelife nga nilungtad na karon og tulo  ka tuig.

Akong uyab mao si Rady, 28 years old ug nagtrabaho siya karon didto sa Manila busa long distance relationship ang peg namo. Bisan pa man nga LDR mi,  nakaagwanta ra pud mi ug wala gyud mi mo-give up bisan duna’y time nga hapit mi magbuwag. Nagkaila mi ni Rady kay classmate man siya sa akong bestfriend kaniadto ug nagka-uban na pud mi og mga laag uban sa among common friends.

Pagkakita pa lang nako niya dili gyud ko ganahan kay feeling nako hambugero siya nga pagkatawo.

Sa linihokan pa lang niya, makaingon gyud ko nga “feeler” kaayo siya nga pagkatawo. Kun  dad-on gani siya sa akong bestfriend og laag dili kaayo ko ganahan motagad niya. Hangtod nga nakabantay na gyud si Rady, ug dunay time nga nag-overnight among barkada sa resort ug niuban pud siya.

Pagka-gabii niana nag-standby ko sa baybayon, samtang ang uban nangatulog na sa ilang mga room kay nangalipong na sa ilang gitagay.

Kalit niduol nako si Rady, ug wala nako’y mobuhat napugos gyud ko og tagad niya .

Niana si Rady nga dugay na daw siya kabantay sa akong pagka-isnabera niya. Mao to ni-explain siya, nga masaypan ra gyud daw ang iyang lihok pero sa tinuod maayo daw siya nga pagkatawo ug dili siya hambugero.

Nalipay siya kay nakakita na gyud siya nga ni-smile ko kaniya. Nagkalawom ang among istoryahanay ug na-enjoy ko og maayo.  Wala nako damha nga nindot siya ika-istorya kay maka-talk siya og bisan unsa nga topic ug duna pud siya’y sense of humor. 

Nakaingon ko nga bright man diay ning tawhana. Hangtod nga nagkasuod ming duha ug  kanunay napud mi nga mag-date. Lima siya ka buwan nga nanguyab ug nagpa-cute nako. Wala man nako sugta dayon kay ganahan ko nga magka-uyab mi nga sure na gyud ko sa akong feelings niya.

Naabot gyud ang panahon nga ako siyang gisugot kay na-develop na gyud ko sa iyaha. Kay gawas nga buotan bright pa gyud siya nga pagkatawo.  Pag-abot og pipila ka buwan sa among relasyon nilarga siya sa Manila tungod sa iyang trabaho. Okay ra man ang LDR, basta kanunay lang ang komunikasyon ug dunay salig sa usa’g-usa dili gyud mo magkabuwag. Usa pud sa akong nakat-onan dili gyud kinahanglan nga hukman dayon ang usa ka tawo base sa iyang lihok, ila-ilaha una ang iyang pagkatawo sa dili pa ka mo-describe sa iyang pagkatawo. Buotan kaayo si Rady ug sayop akong giingon sa una nga usa siya ka hambugero.  Mo-request lang ko sa lyrics ug chords sa Cruisin’ by Smokey Robinson.

Hi Janina! Thank you so much sa imong LOVE STORY! Paabuta ugma puhon ang imong request.

Dear Kalandrakasers, aduna ba kamo'y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News

Corner V. Gullas and D. Jakosalem Streets

Barangay Sto. Niño

6000 Cebu City, Philippines