Dear Banat News Hugyaw,
Hello diay sa tanang suking tigbasa sa sikat kaayo nga mantalaan, ang Banat News! Ako diay si Yanyan, girl, 28 years old ug taga Capitol, Cebu City.
Ako lang i-share ang akong lovelife nga naputol na. Nagkabuwag mi sa akong uyab nga si Ram niadtong June lang gyud. Nag-work ko isip teacher sa usa ka university.
Tulo ka tuig ang relasyon namo ni Ram busa wala ko magdahom nga kalit lang kini maputol.
Nagkaila mi ni Ram kay silingan mi sa una sa Barangay San Nicolas. Namalhin man gud mi og balay sukad pag-high school nako. Tigbisita gihapon ko sa San Nicolas kay naa baya didto ako barkada ug uban nako nga relatives.
Nagkasuod mi og maayo sa dihang duna mi barkada outing kay niuban man pud siya. Nagka-debelopay hangtod nga nagkauyab gyud lami kaayo ang dagan sa among relasyon gani nagsige na lang mi og date.
Ganahan kay ko ni Ram, kay buotan mahinhin nga pagkalalaki ug bright pa gyud.
Bahala’g kapoy ako siya kuhaon permi sa iyang trabahoan kay pinangga baya nako siya.
Makaingon gyud ko mura na gyud og gatuyok ang akong kalibotan kaniya kay magsige na man lang mi og kuyog. Naabot sa punto nga kalit bitaw nga mura’g lahi na man ang linihokan ni Ram. Lahi na gyud akong hunahuna uy feeling nako mura’g naa gyud siya’y lain.
Nagsakit gyud akong dughan kay mura na man gud og wala siya’y gana dinhi kanako. Nagpaniid ra gyud ko sa among sitwasyon pero dili man gyud ko kasakop uy. Mahibong lang ko ani niya sa una basta weekend kay magsige gyud mi og suroy ana og mga resort pero nawala na man. Moana siya nga busy daw siya kay duna siya’y importanteng gibuhat.
Magsige na ko og hilak sa among sitwasyon kung mag-talk mi dili man pud siya moklaro og tubag gud.
Moana ra man siya nga ako lang daw siya sabton pero gikapoy na gyud ko sa among relasyon pero maglisod ko og buwag kay love man gyud nako siya.
Pero wala nako kaantos nihukom na gyud ko nga ako siya buwagan ug didto ni-okay ra bitaw siya ug duna siya’y dako nga rebelasyon.
Dugay na daw siya gusto mosulti nako pero mahadlok siya kay dili siya ganahan masakitan ko pero puslan man daw nga magbuwag nami mosulti na lang gyud siya sa iyang sekreto. Niangkon si Ram nga usa siya ka gay naghilak siya samtang nisulti siya nako niana.
Duna na pud daw siyay duha ka buwan nga boyfriend. Mao nang mga buwana nga wala nay klaro ang among relasyon kay duna na siya’y laing uyab.
Napasubo ra daw siya sa pagpanguyab nako sa una tungod sa mga tupo-tupo sa among barkada.
Hinuon na-learn man daw niya nga higugmaon ko, pero bisan unsaon daw mogawas gihapon ang iyang pagka-gay ug mas ma-attract siya og maayo sa lalaki.
Wala nako’y mabuhat ako na lang dawaton malipay na lang pud ko niya kay nakaladlad na gyud siya kay didto man siya ma-happy ako na lang siya suportahan.
Daghang salamat Banat News, mo-request lang ko sa lyrics sa Set You Free by Side A.
Hi Yanyan! Thank you so much sa imong LOVE STORY! Paabuta ugma puhon ang imong request.