Love story

Dear Banat News Hugyaw,

Hello diay sa  tanang readers  sa kinaham namo nga mantalaan, ang  Banat News! Ako diay si Ricca , 25 years old ug taga Labangon, Cebu City. Ako lang  i share akong lovelife. Aduna diay ko’y uyab karon, siya si Christian, 25 years old ug taga  Bulacao Pardo, Cebu City.

Nag-work ko sa call center, samtang si Christian nagtrabaho sa  usa ka mahalon nga restaurant.

Nagkaila mi ni Christian tungod ra gyud sa among common friends ug wala namo damha nga magka relasyon. Sa dihang nagkaila ming duha, nakabantay na gyud ko sa iyang kaguwapo, pero ako gyud nga gi-control akong kaugalingon. Kun mag-jam mi sa among barkada ug sa iyang barkada, maulaw gyud ko motagad niya kay mura man gyud siya og artehon pero nagkadugay, akong na-discover nga buotan ra man diay siya ug nagkasuod ming duha.

Nagkadugay, nag-text-text nami, ug kabantay ko nga grabe kaayo siya ka caring nako, hadlok  gud ko nga ma-develop ko  kay basin ba paasahon rako.

Wala man ko kaantos uy, kun pakiligon ko niya sa mga text, ako na man pud nga sakyan hangtud nga naabot gyud sa level nga “mutual understanding” ang among status.

Dili man diay lalim ang MU uy hahaha, liman mo, niabot gyud og siyam ka buwan ang among pagka-MU  kay murag torpehon man sad ni gamay si Christian. Sweet gyud siya mo-text, mura na man gyud og uyab ang among teksanay, seguro wala lang gyu’y proper nga label. Wala ko kaagwanta, ako gyud ang nangutana kun asa man gyud kutob ang among pagka-MU. Naulaw baya ko kay ako baya ang babaye, susama rako nga ni-follow-up, pero sige na lang uy, ganahan na gyud ko nga magklarohay nami.

Sa dihang nangutana ko niya, hilom kaayo siya, ug grabe ka instant ang nahitabo, diha-diha nanguyab siya nako, hahahaha. Kahibalo na man mi sa among gibati sa usa’g-usa, deretso dayon og sugot. Actually, for formality na man lang gyud tu. Niabot na karon og duha ka tuig ang among relasyon. Dili pud malikayan nga maglalis ginagmay, pero dili man namo dak-on ang away kay dili mi gusto og samok. Mo-request diay ko sa lyrics sa favorite song namo ni Christian, ang Stitches And Burns  by Fra Lippo Lippi

Hi Ricca! Thank you so much sa imong LOVE STORY! Paabuta ugma puhon ang imong request.

Dear Kalandrakasers, aduna ba kamo'y LOVE STORY? Suwata ka na ug ipadala pinaagi sa                 pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News

Corner V. Gullas and D. Jakosalem Streets

Barangay Sto. Niño

6000 Cebu City, Philippines