Love Story

Dear Banat News Hugyaw,

Maayong adlaw sa tanang readers sa paborito nako nga Banat News! Ako diay si Jonathan, 27 years old ug taga Danao City.

Ako lang i-share akong lovelife  nga nilungtad na karon og lima ka buwan. Aduna ko’y uyab karon,siya si  Marian, 25 years old ug kauban mi sa work.

Pareha ming duha, call center agents ug ang among trabahoan naa diha sa IT Park.  Sa tinuod lang, wala gyud nako damha nga magkauyab mi ni Marian,kay dili gyud nako siya type sa una.

Mahiligon ko og girl nga maayo kaayo makisama sa daghang tawo ug jamming ikauban. Pero kini si Marian, hilumon, ug dili kaayo hinguyog kun adunay mga outing ang mga kauban namo sa work.

Ako pa gyud nabantayan ni Marian, kay dili kaayo ni siya managad nako sa una ilabi na kun magsugat mi sa lobby. Guwapa pud baya si Marian, pero wala ko’y sparks niya sa una kay lagi, mataha jud ko mudoul niya, mura siya og artehon pagkatawo.

Pagka-dugayan, nakuryuso ko og kalit ni Marian, ako siya gi-add sa Facebook. Wala lang, kalit  lang nasulod sa akong huna-huna nga ako siya- i-add pero  wala gyud ko’y laing intensyon ha.

Naabot na lang og tulo ka semana, wala gyud niya gi-accept ang akong friend request.  Nagkasugat mi sa lobby, wala ko kaagwanta, ako siya giingnan ,” Hi Marian, i-accept na intawn ko sa FB”.

Igo ra siya nitubag og “Okay”, dayon nilakaw dayon siya.  Pagka-ugma dayon ana, iyaha dayon ko gi-accept sa FB. Wala ko kasabot sa akong gibati, mura’g lipay kay ko atong tayma, ako dayong gi-view ang iyang photos, grabe gyud diay kaguwapa aning bayhana uy.

Nakakuha siya sa akong atensyon, ambot  ngano uy, mura na man hinuon ko og makulbaan kun makakita niya, 

Wala ko makaantos, ako siya gi-chat ug ako siya gihagad og dinner, dili siya mosugot kay wala daw siya time. Nangayo ko sa iyang number, dili pud siya mohatag kay dili daw mi close. Tungod kay ganahan man kaayo ko niya, nagpatabang ko sa usa namo ka workmate nga suod ni Marian.

Gisultian niya si Marian nga buotan ko nga pagkatawo ug dili daw ko pareho sa ubang lalaki . Pagkasunod adlaw, managad na nako si Marian ug nisugot siya nga makig-date ko niya. Nisulti siya nga dili gyud daw siya hinagad og lalaki para dili siya masayon-sayon. Ipakita daw niya nga istrikta gyud siya, ug bilib siya nako kay naka-dare gyud  og hagad og date kaniya.

Sa among kasuod ni Marian, akong nakita nga maayo siya nga tawo. Niangkon ko niya nga duna ko’y gusto kaniya apan andam ko magpaabot gumikan kay dili nako siya gusto i-pressure. Niabot og siyam ka buwan, akong gipakita kaniya kung unsa ka sensiro  hangtud  nga na-develop siya kanako. Nanguyab gyud ko niya og balik, ug grabe kaayo akong kalipay kay iya kung gisugot uban sa kondisyon nga dili gyud nako siya pasakitan.  Wala damha, ang girl nga nagtuo ko nga lisod panguyaban, nahimo gyud nako nga hinigugma. Request diay ko sa lyrics sa King And Queen Of Hearts by David Pomeranz.

Hi Jonathan! Thank you so much sa imong LOVE STORY! Paabuta ugma puhon ang imong request.

Mga pinangga namong mga suki sa Banat News kining bag-ong mugna sa imong kinaham nga mantalaan para inyo gyud! Among ikalipay og dako kun magpadala mo sa inyong mga hulagway samtang nagbasa og Banat News aron atong mamantala.

Unsa may imong BP?

I-like lang ang atong Facebook Page nga:  Banat News  aron didto ninyo ipadala ang inyong mga hulagway. Mahimo sab nga pinaagi sa snail mail:

BP

C/o Banat News

V. Gullas St., cor. D. Jakosalem St.

Barangay Santo Niño 

6000, Cebu City,  Philippines