Dear Banat News,
Ako diay si Ayiessha, 22 yrs old. "Don't rush things" ang dagan sa akong story nga –ishare. Daghan na kaayo ang naka-experience niini.
Usa ko ka goal achiever, dreamer, taas kaayo og panglantaw kay younger daughter man ko.
Ang akong mga nauyab kay serious man ko nila pero ang ending binuangan rako, pero I'm a type of a woman nga strong, taas og pride--dili nako ipakita nga nasakitan ko atubangan sa mga tawo
Nag work ko sa usa ka company then tungod kay head supervisor man ang nag-backer nako, gahi kaayo og kapit, unya diha nako nakaila si Sir Chief. Usa siya ka supervisor sad nga close sila sa nagpaluyo nako sa company. Kadaghanan sa girl sa company kay ako ra ang wala kaayo makapansin sa among supervisor .
Apan naabot ang panahon nga na-develop ko niya kay magsige siya og papansin nako ug sungogon mi sa mga tawo nga maoy rason nga na-develop ko sa tago.
Nagka-close mi ni Sir Chief, buotan man siya hangtud nga mura na me og uyab. Gipaila-ila nako niya sa iyang parents ug nasuod na pud siya sa akong pamilya.
Daghan na kaayo mi og naagian, grabe gyud ang among bonding kay nagsige na lang mi og larga. Nagtuo na ang among parentes nga magminyo nami padulong.
Didto nagsugod nga daghan na kaayo og haters kay lagi, akong daw nga giuyab-uyab ang supervisor. Hasta akong friends kay giunay ko nila og libak. Apan kay love lagi nako, nagpabuta-bungol ra gyud ko sa ilang mga istorya.
Naabot ang time nga nausab na man siya, dili na kaayo mi magkasinabot permi, hangtud wala na gyud mi. Sakit gyud kaayo. Naabot ang time nga na-meet nako ang guy nga usa ka student, nagka-close mi ug gitrato ko niya nga mura’g princess. Sweet kaayo siya pero dili pa ko sure akong feelings, kay napa man ko’y feelings ni Sir Chief.
Wala gyud ko magsaba–saba sa among parents, hangtud nga na-develop gyud ko sa student ug aduna na’y something special ang among pagtinagdanay.
Magsige ko og stalk niya sa FB sulod sa six months ug nakabantay ko nga mura siya og naay baby. Niangkon gyud siya ug nagkabuwag gyud ming duha. Naabot ang time nga naa pud ko naila-ila nga manager sa usa ka sikat nga pawnshop. Naabot mi sa “M.U” nga level hangtud nga duna na gyu’y something namong duha.
Human sa pila ka months, panagsa na lang mi magtext-text, ug ako na-expect nga I’m preggy ug siya ang father.
Ako siya gisultian pero dili daw siya pwede, nakaingon ko basin married siya. Ni-suggest siya nga ipa-abort apan wala gyud ko mosugot kay dako kaayo nang sala.
Bahala’g dili manubag, akong ipadayon ang among baby ug naabot ang time nga nakahibalo akong parents. Nadawat ra pud nila, pero na –feel gyud nako nga nasakitan sila og maayo sa nahitabo.
Nag-talk akong parents ug si manager sa phone ug gikasab-an nila og maayo. Nahibaw-an namo nga married gyud diay siya, ug gibaharan siya nga ipa-terminate sa iyang trabaho busa nihilak siya ug nagpakiluoy sa akong family.
I admit, I’m a single-minded woman ug makaya ra nako buhion akong future baby without a father kay dili pasad ko ready malayo ko sa akong parents, kay naa pa koy unfinished plan para sa akong family ug gusto pako mutabang nila bisan naa nako’y baby .
Once madagma ka normally sakit jud ang samad pero kelangan nimu mubarog kay pag-abot sa panahon, maayo or mawagtang rana ang sakit. Ang importante nakat-on ka and everything happens for a reason.
Everything is a gift from God. Big challenge gyud ni nako and I have to face it! .Request ko sa lyrics sa song nga I’m Not The Only One.
Hi Ayiessha! Thank you so much sa imong LOVE STORY! Paabuta ugma puhon ang imong request.
Dear Kalandrakasers, aduna ba kamo'y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini:
Love Story
C/o Banat News
Corner V. Gullas and D. Jakosalem Streets
Barangay Sto. Niño
6000 Cebu City, Philippines