Dear Banat News,
Avid reader gyud ko sa Banat News since high school. And until now, mupalit gyud ko after my shift. Anyways, gusto lang unta ko mo-share og gamay sa akong love story. I'm hoping na inyo unta ning ma-feature sa inyong LOVE STORY.
By the way, just call me Becca Larsson, 18 years old. Working as a sales specialist sa usa ka BPO company dire sa Mango. Sugdan lang nako ang istorya, sa dihang 4th yr high school pa ko, broken- hearted ko with my first puppy love and medyo nagrebelde sa pamilya. At that time makaingon gyud ko nga wala pa gyud ko’y buot kay giguba lang nako akong pagka-consistent achiever tungod lang sa usa ka lalaki nga wala’y hinungdan.
Dili sa panghambog pero slight above average man pud atung intelligence capacity and usa na sa akong advantage sa uban pero at the end of the day, sama sa ginaingon sa uban nga mabogo gyud ang tawo basta gugma na ang hisgutan.
Nakat-on ko og bulakbol bisag unsa ka strikto akong parents, inom ngari, clan- clan ngadto ug ang makapanglingo-lingo kay nakat-on ko’g fling-fling sa bisag kinsa nga lalaki but without physical contact. Date date lang kunuhay ug dili mauyunan, aww kever dili na teksan after sa date. Nag-last na siya nga kaboang for six months, the same time frame nga wala pa ko ka move on sa akong first heartache hangtud nga naila-ila nako si Zyle.
Zyle is just a typical probinsyano boy. Simple manamit, duna’y face and maamong tupa kaayo tan-awon. Nagkaila mi through my clan nga ako ra pud ang founder ug akung mga classmates ra sad ang officers. Actually si Zyle ang sumsuman sa among kaboang sa akong mga classmate.
Unsaon, oa kaayo makadala og mention sa iyang gf sa gm (group message). Mura gyud og naay forever ba, ahaha but after three weeks nagkabuwag sila sa girl. Medyo kami gisayangan kay wa name kaboangan. But then just like any queued things, dapat sad mo- move on. Nagpadayun ang clan until FEB 11 2014, ni'PM siya nako. Texting nga pwede ba daw manguyab and then ako pud nga way lingaw gipatulan sad. Medyo nakonsensiya sad ko kay seryoso siya pero ako dili kay akung interest atung tayma is ang cousin sa akong amega nga ika-date date nako.
March 2014, graduate nako sa high school. Left and right ang celebration and akong classmates, ang center sa akong attention since hapit nami magkawatakwatak. Gibuwagan nako ang cousin sa akong amega and si Zyle na pud akong gisuwayan. Yes I give our pseudo relationship a try pero wa kaayo koy time niya. With our first meet up wa ko muhatag og affection or bisag interest na lang niya but siya todo effort.
Naabot gyud ang time nga usa ka secret ang akong nahibaw-an - kabit ra diay ko niya. Naa diay siya’y uyab daan, nagka face to face mi sa original girl niya. Gwapa, puti, medyo sexy and malditahon sa akong tan-aw. Gipapili niya si Zyle and wa ko mag-expect nga ako iyang pilion. Syempre nakonsensya and nainsulto gyud ko pero nagpakabogo ko atong tayma.
Pagkahuman atu nga issue, February 2015, one year nami. Naka-decide ko nga mu-eskwela na og balik. Naa ko’y classmate nga lalaki nga na-close nako, kana pud laging buddy mo sa ROTC unya same mo og trip – magka-close gyud
Wala ko mag-expect nga mao to’y hinungdan para mag-cheat si Zyle. Mabaw nga reason pero gibuhat gyud niya. Nagkasumpaki mi sa girl, and pildi gyud ko kay bastuson ug medyo way modo manulti ang babae. Sa dihang nanawag ko ni Zyle , siya ang nakatubag , gi- degrade ko niya ug giingnan ko og prosti daw ko kay bisag wanay interes si Zyle nako pero ako daw maoy mag-una una.
At that time, nibalik ko sa akong vices. And when nagkaatubang mi ni Zyle, giayo nako siya og sagpa, dakol, bugnot buhok ug laparo. Gipagawas nako tanang sakit atong tyma until nihilak na lang ko sa iyang atubangan ug hasta pud siya samtang nangayo og sorry and second chance. Lage kay love man , gihatag nako iyang gihangyo.
And so far, naninguha and nibawi siya sa iyang pagkuwang . Nag-agi mi og daghang pagsuway, pero amo gyud nga paninguhaon nga masulbad ra pud dayon. If ever ma'feature akong story, I hope nga mabasahan ni nimo Zyle. Boyish ko, kahibaw gyud ka ana and kahibaw sad ka nga di ko gusto anang cheesy stuffs pero you know how much I love you man, diba? ??
And for BNH, thank you for letting me share my story. Just please feature the song Halo by Beyonce na lang pud. Thank you so much in advance BNH and God Bless!
Hi Becca! Thank you so much sa imong LOVE STORY! Paabuta ugma puhon ang imong request.