Engkanto sa dakit

Kaadlawon nga nagpadulong sa dagat si Ebyong aron manginhas og kinhason. Unya may nakita siya sa unahan nga kalit natumba ang punoan sa karaang kahoy nga dakit.

Unya may nadungog siyang inagulo nga naggikan sulod sa botelya. Wa maglangan giluwas niya ang maong tawo, unya wala magdugay nahaigking si Ebyong kay nahimong engkantong tisoy. “Migo, salamat sa imong pagtabang nako!” matud sa engkanto. “May adlaw ra nga makwartahan ka!”

Apan wala masayod si Ebyong nga usa lang ka pagsuway ang gihimo sa engkanto. Didto sa dagat daghang nakuha si Ebyong nga kinhason. Sa tanto niyang  panginhas may nakita siyang karaang itom nga tadyaw ug gidala sa ilaha.

Untop alas 8:00 sa gabii iyang giadto ang tadyaw tapad sa higdaanan. Nahaigpot si Ebyong kay may sulod na nga mga bulawan ug dyamante. Tungod niini iyang gitabangan ang mga kabos ilabi na sa iyang mga silingan. Apan luyo sa iyang pagkamatibangon adunay silingan nga nasina nga mao si Tibur. Ug gipanid-an diin gikan ang bahandi nga gihatag sa mga tawo. Ug nahibaw-an gyud ni Tibur nga gikan diay sa tadyaw. Unya wala magdugay nakuha gyud ni Tibur ang tadyaw.

Apan nahibulong si Tibur kay ang itom nga tadyaw nahimong abog. Wa paabota nagkaanam og kausab ang iyang bayhon hangtod nga nahimong aliwas. Nakasabot si Tibur nga ang butang nga iyang nakuha gikan sa dili ingon nato nga gihatag ni Ebyong.

Pagkasunod adlaw nanglurat ang mga mata ni Ebyong kay naa naman ang tadyaw tapad sa higdaanan nga gikan gikuha ni Tibur. Ug wala paabota may niabot nga usa ka aliwas.

Pasayloa intawon ko, Ebyong, sa pagkuha sa tadyaw. Nasina ko sa imong kasapian. Nakasabot nako ang tadyaw hinatag sa dili ingon nato nga para nimo!” ni Tibur. “Nia nahimo kong aliwas tungod sa kasina.” Apan sa kalit lang may masipang liti ug bagang aso nga ilang nakita. Nahaigking ang duha kay ang aso nahimong engkantong tisoy.

“Ang kasina dili maayong panag-ingnan, Tibur, kay adunay labaw nga nagtan-aw nato. Akoy tag-iya sa itom nga tadyaw ug engkanto sa dakit!  (Katapusan)