Love Story

Dear Banat News,

Maayong adlaw sa tanang Banat News readers! Ako diay si Marian, 27 from Bogo City, pero nagtrabaho ko karon  isip nurse sa usa ka public hospital.

Upat ka tuig na diay mi sa akong boyfriend nga si Pao kinsa usa ka architect ug hangtod karon wala pa gyud sa among hunahuna nga magpakasal kay gusto namo nga magtigom og maayo.

Sinugdanan sa among love story, nagkaila mi tungod ra gyud sa tapok –tapok sa akong barkada.

Duna’y usa ka higayon, gidala na si Pao sa akong amigo  sa among tapok ug gipaila-ila mi ana niya.

Sa tinuod lang, pag-una namo og ila-ila kay weirdohan gyud ko niya. Mura siya og duna’y kaugalingong kalibutan.

Pipila sa among friends kay magsungog-sungog namo ug dili gud nako feel kay lagi para nako weird siya nga pagkatawo.

Apan wala nako damha, sa kadugay niya og sige’g kuyog laag namo sa akong barkada, nakaila na ko sa iyang batasan. Akong nabantayan nga buotan ug bright man diay ni siya kaistorya uy.

Wala pa’y sparks ha pero kabantay ko niya kay sige na man siya og text nako uy, magsige og pangumusta ug naabot sa punto nga sweet na kaayo siya sa text.

Nanguyab siya nako pero wala dayon ko mosugot kay gusto nako nga makaila pa gyud ko niya og maayo.

Maayo gani kay niana siya nga andam siya magpaabot bisan kanus-a ug gusto niya i-prove nga makiangayon ko sa iyang kasing-kasing.

Naabot og lima ka buwan,   naigo na gyud ko niya, ug ako siya nga gisugot. Dili ko makalimot  ako siya gisugot  diha sa IT Park.

Sa kadugay na sa among relasyon nag-agi na pud mi og away-away pero masulbad ra pud dayon. Dili man mi gusto nga among dak-on kung duna’y time nga dili magkasinabot. 

Duna gyu’y kausa nga hapit mi nagbuwag kay nasakpan ko niya nga  dunay ka-char char nga laing lalaki, pero nagmahay ko sa akong gibuhat ato. Nangayo ko niya og sorry ug nisaad nga dili na mausab.

Para nako si Pao na gyud ang akong forever, kay kapoy baya mobalik na pud sa sinugdanan. Mo-request diay ko sa  lyrics sa kanta nga Love You Like A Love Song by Selena Gomez.

Hi Marian! Thank you so much sa imong LOVE STORY! Paabuta ugma puhon ang imong request.

Dear Kalandrakasers, aduna ba kamo'y LOVE STORY? Suwata ka na ug ipadala pinaagi sa                 pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News

Corner V. Gullas and D. Jakosalem Streets

Barangay Sto. Niño

6000 Cebu City, Philippines