Dear Banat News,
Maayong adlaw sa tanang readers sa Banat News ilabi na sa segment nga Love Story, ako diay si Zia ug taga Mambaling, Cebu City.
Nagtrabaho ko karon sa usa ka accounting firm ug usa ka buwan kapin nako nga single karong panahona.
Ako lang i-share ang love story sa katapusan nako nga nauyab, siya si Christopher, nagtrabaho siya sa usa ka restraurant diha sa IT Park.
Nagkaila mi ani niya kay barkada man siya sa akong classmate pag-high school ug nagkauban mi og jam sa iyang barkada.
Pipila ka adlaw human sa pag-ila ila, kabantay ko , sige na man siya og patagad nako , ug ni-text siya nako kay gihatagan siya og number sa usa nako ka friend.
Guwapo si Christopher, pution siya apan pag-una dili gyud nako siya type kay hambugeroon man uy. Apan kalit ko na-develop niya kay lambing pud siya , ug wala gyud siya mapul-i og hinuwat kung kanus-a nako siya sugton.
Tulo ka buwan gyud ang pagsige niya og diskarte nako hangtud ako gyud siya nga gisugot. Pag-abot og kapin sa usa ka tuig sa among relasyon, murag dili na kaayo siya mo-text.
Nisabot lang ko niya kay busy daw siya sa iyang trabaho ilabi na nga nahimo na siya nga manager sa ilang restaurant.
Kever lang gyud sa among monthsary , kung rest day gani siya, wala siya’y time nga makigkita nako kay matulog daw siya og maayo.
Ako pa’y una nga mo-text niya pero usahay ra siya mo-reply, hangtud nga nakadungog ko og istorya nga duna diay siya’y gika-iring iring nga kauban ra pud niya sa trabaho.
Pag-una wala ko motoo, hangtud duna na gyu’y name sa girl nga nanggawas, ug akong gi-search sa Facebook ug didto nako nakit-an nga duna sila’y sweet photos ni Christopher ug samot ko kakugang kay nag-monthsary na sila. Sakit kaayo alang kanako ang nahitabo, pero ako na lang dawaton, nasayang ang tanan nako nga effort sa among relasyon pero wala na ko’y mahimo kay siya ang nagbinuang. Mo-request diay ko sa song nga Cry by Mandy Moore.
Hi Zia ! Thank you so much sa imong LOVE STORY! Paabuta ugma puhon ang imong request