Nagdahom
Dear Medyo Maldito,
Ako diay si Belle, I hope matambagan ko nimo. Naa ko'y crush ug classmates ming duha. Ganahan kaayo ko niya.
Puti, chinito, taas ug grabe ka gwapo kung mo smile. As in, kung mo smile siya nako kay mura'g kami ra duha ang tawo sa kalibutan. Kuwang nalang og sound effects unya naay rose petals mahulog. Siya na gyud akong Mr. Right. Siya na lang unta. Pirmi mi sungugon sa akong classmates. Kiligon kaayo ko, unya siya, mo smile ra. So feeling nako, ganahan pud siya nako. OMG.
Friends mi sa Facebook ug sige pud siya og like sa akong posts. Feeling nako, ganahan gyud siya nako. Unsa man akong buhaton aron panguyaban ko niya? Basin nauwaw ra siya. Or manhid lang gyod ning pikot. Pikot man akong tawag niya. Unsa man akong buhaton, Medyo Maldito? Basin ma-turn off siya nako kung ako ang mo first move. Thank you .
***
Hi Belle, dili tungod ni-like siya sa imong posts, like na pud ka niya. Pwede ka kiligon pero ayaw lang pag-assume. Sakit raba na. Basin diay naka-relate lang siya sa imong posts. Basin naigo lang siya sa imong quotes nga gi-post. Maypa sa quotes, naigo siya. Sa imo mura'g wa gyud.
Mura'g wala man siya’y gihimo nga move aron panguyaban ka niya. Kung ang lalaki ganahan gyud nimo, maningkamot na aron di ka maadto sa uban. Mura'g di man siya manhid. Kahibalo man na siya nga ganahan ka niya. Dili lang gyud siguro ikaw iyang gusto. Siguro lang. Don’t lose hope.
Basin diay mauwaw lang gyud siya nimo ug torpe lang gyud siya. Kinahanglan lang siya'g gamay'ng push. Wa man na'y problema kung ikaw ang mohimo og first move. As long as andam ka sa consequences. Andam man kaha kung i-"basted" ka niya? Pero you know what? Karong buwana naay LEAP DAY.
Sa old Irish tradition, pwede mag- propose ang mga babaye sa lalaki kung Leap Day, February 29. Basin pwede pud siguro ka manguyab niya anang adlawa.
Basta kay andam man kaha ka sa mahitabo. Akong ma-advice nimo, kung manguyab ka niya, adto nalang sa April Fools Day. Kay kung i-basted man ka niya, pwede ra nimo siya ingnon og "ATIK RA."
- Latest
