Adan good shot - Gula 35

Maoy nahinumduman niini ang tali nilang Eser ug kaniya wala man unta sa iyang bokabularyo ang mopatol og bayot. Pero wa sab niya gipakaubos ang susama’g sexual preference. Aduna siyay respito niini nakasabot sab siya sa mga panginahanglan sa mga gays. Apan dili lang gyud siya ganahan nga makigdulog og usa ka bayot. Pero nahitabo na ang dili niya gustong mahitabo. Nahimo nang usa sa iyang mga naagian kabahin na sa libro sa iyang kinabuhi. Labaw sa tanan nalakip na sa mga Eba sa iyang paraiso. Apan Eba nga peke  naglingo-lingo na lang ang ulitawo kay kun dili pa tungod nga mibahad ni sa ipakatap nga tabi tali nilang Lina dili unta niya patolan ang bayot. Pero okay na lang no regrets na lang para niya natakli ang huna-huna balik sa iyang amahan.

Unsa kahay una niyang buhaton kun magkita sila sa ilang panimalay? Motimbaya ba siya niini? Mangayo ba siya’g pasaylo? Gakson ang amahan tungod sa gipakitang pagpangga ug pagmahal niini? Nagduha-duha ang lalaki kay basin og OA ra para sa amahan ang maong mga lakang o buhat nga nahunahunaan, sa tantong pagsige’g huna-huna nakatulog si Carlo.

Alas kwatro sa hapon nakamata si Carlo Nakahuna-huna siya nga may mga bulingon siya ug bulingon sa iyang amahan.  Gikuha niya ang iyang mga sapot ug miadto sa kwarto sa iyang papa gitultol ang laundry basket diin tua nagtipon-og ang bulingon sa iyang papa. Gikuha niya kini aron labhan usahay kay ang iyang papa maoy manglaba sa ilang bulingon. Bisan si kinsa na lang nila ang molaba kun dili tapolon apan kun magdungan ang tapol nilang duha magsuhol na lang sila’g molaba.

Human makapanglaba, naglung-ag si Carlo, nangandam basin inig pauli sa amahan gutmon kini gikan sa trabaho maayo na lang pa- GOOD SHOT sa amahan tungod sa iyang gibuhat, maminos-minosan ang kalagot sa iyang papa tungod sa iyang gibuhat nga pagpangulata sa usa ka taxi driver. Kini tungod ra sab sa iyang selos. Si Larry na sab ang hinungdan kun nganong nahitabo kadto. Sa huna-huna sa ulitawo, napun-an na sab ang sala ni Larry niya. Nakasala na lang hinoon siya tungod sa iyang nakita kang Marissa ug Larry nga nagkuyog.

Human masiguro nga naluto na ang kan-on. Gikuha niya ang kwarta nga gibilin sa iyang amahan kaniya gamiton niya kini pagpalit og sud-an sa dalan. Barbecue maoy iyang nahunahunaan nga ilang isuwa sa panihapon migawas ang lalaki sa ila ug milahos ngadto sa kalsada mao gyu’y nakita niya si Eser nga nag standby sa barbecue-han. Layo pa lang siya makita na niya si Eser nga daku kaayo’g ngisi kay achieve na achieve niya si Carlo. Mibarog gikan sa gilingkuran si Eser, misugat kang Carlo.

"Hi labs!" dayong gunit sa bukton sa lalaki.

"Labs ka dyan...bi, buhi-i ko ayaw sige'g gunit diha sa akong bukton." Pugos nga gikuha ang kamot ni Eser, pero nangusog hinoon ang bayot.

"Ikaw ba nag inarte na hinoon ka nako ron dah wa nay rason nga mag inarte ka oy nakatilaw na baya ko nimo sus  kumpleto na gyud ang akong life. Pero hoy wa man ka mananghid ganihang buntag oy. Pagawas nako sa banyo gikang naligo wala na ka sa imong higdaan  namiya lang ka’g buhi dah," matud pa ni Eser.

"Nagdali ko oy nag-apas ko nga maabtan naku si papa sa balay," matud pa ni Carlo kang Eser.

"Nanglagom man nang imong nawong oy naa man kay black eye kinsa may mikulata diay nimo?" pangutana ni Eser.

"Wala oy usyosero baya nimo bi kay magpalit ko’g among masud-an ni papa." Mipadayon sa paglakaw si Carlo aron mopalit nag barbecue nga naa ra duol sa ilang nahimutangan.

"Karong gabii na sad ha adto tulog sa balay magtagbaw na sad ta. Okay?" dayong kumot sa ugdong sampot sa lalaki nakalitan ang lalaki sa gibuhat sa bayot ug daling mibakyaw sa iyang kumo. (Sumpayan)