Gula 29
Mao gyuy nakita sa duha ang tawo nga naghinawak atubangan sa pultahan nagdungan pa si Lina ug Carlo pagsangpit sa ngan sa misugat sa ilang panan-aw, "ESER?!"
"Mismo ako! Nagdungan baya sila," matud pa sa bayot nga si Eser. Ganiha ra ka diha bayot?" pangutana ni Lina kang Eser.
"Di pa dugay oy," Matud sa bayot ug dayon mitutok kang Carlo, ug nagkanayon "wow bongga ka Lina. Nag-unsa ang akong prince charming dinhi?" matud pa sa bayot. "Mihangyo ra ni si Lina oy nga akong tabangan pagdala ining iyang mga bagahe mopauli na man siya sa ila.
"Sa tanang lalaki ikaw gyud ang iyang patabangon?", pulong pa sa bayot nga miisa ang kilay. Sa huna-huna ni Lina kun wala ba nagpaminaw lang ang bayot sa gawas samtang nagkumbati sila si Carlo ibabaw sa katre. "Sigurado kang bag-o pa ka bayot?" paniguro pa ni Lina.
"Oo oy ngano diay? Duna moy gibuhat no? Nagbinukotay mong duha?" Matud pa sa bayot.
"Wala oy, binukotay ba pahawa na diha bi aron makapauli na si Lina sa ila," pagwakli pa ni Carlo sa bukton sa bayot nga nagunit sa doorjamb sa pultahan mi-una pagkanaug ang lalaki.
"Nganong nia man ka bayot?" Pangutana ni Lina kang Eser.
"Hala ha, basin nalimot ka day nga naa kay bayranan nako," matud pa sa bayot.
"Wala koy kuwarta oy bayran ra lagi tika sa akong utang nimo kun makakwarta ko. Nahibawo baya gyud ka nga nagbuwag na mi si Arturo," pulong pa ni Lina.
"Hala no di ta maulaw ini nga lami kaayo ka’g pamuhok diha bag-ong gi-rebond niadtong usang adlaw pero rebond nga inutang nga hangtud kanus-a magpaabot ang nag-rebond kun kanus-a bayran. Hoyy day wala intawon to nako utanga ang mga medisina adto." Matud pa ni Eser nga nagsugod nag pangisog.
"Hinaya lang nang tingog nimo bayot bayran lagi tika promise," matud pa sa babaye.
"Sus, pagkahibawo nako nga mopahawa na ka dinhi dali gyud kong mianhi aron maningil nimong bayhana ka. Gahapon pa baya ang imong saad ha," matud pa sa bayot.
"Dili ko malimot ana lagi sige na bi kay naghuwat na nako si dong Carlo sa ubos.
"Pagsure gyud ha, kay basig maibtan tika sa imong pilok ilakip ko pa ang balhibo sa imong ilok." Matud pa ni Eser nga gibutang ang usa ka kamot sa kilid ug nanghinawak. "Bayota oy gilangan-langan ra mi nimo ay," pulong pa ni Lina.
"Hoyyy,..tug-an ha." Pulong pa ni Eser nga midungan pagbira sa bukton ni Lina ug gitapion ang baba sa duol sa dunggan sa dalaga, nagkanayon, "okadyang?"
"Unsay okadyang ba oy?", matud pa ni Lina nga wala konohay makasabot sa buot ipasabot sa bayot.
"Hala ha pagorya-gorya ha dako ba, pero for sure okadedeng ang ering sa kanding liwat sa aps nga super duper ka okad nga makapanukad dunganan sa ilong nga kalit mobukad," matud pa sa binayot nga sinultihan ni Eser ug mikatawa'g maayo. Mikatawa usab si Lina sa gipanulti sa bayot,"wala man guy nahitabo namo." Pagdeny pa sa babaye.
"Weee?!! Wala gyud? Ikaw pa? Ka tang-an nimo. Abtikay baya imong wosh day. Shodi deny swerte lang ka kay gigasahan kag langob sa karagala kining among langob ang-angan intawon ni pero ayaw ka mas lami ming mo dala sa kama kay kaninyong mga babaye noh," pulong pa sa bayot.
"Sure ka?" Pangutana ni Lina nga mingisi ug pinahilaw ug giisa ang usa ka kilay nga may buot ipasabot nga siya dili kabintahaan ang performance sa mga bayot.
"Wow sa sinultihan lang daan master degree na ang nahuman, master pa kay namong mga bayot. So, naa gyuy nahitabo? Ayaw pag-deny vayot! Bayot ko day pagkakita ko pa lang ni Carlo ug nimo nga nagkadusingot, confeeeermmm. Naay panagbugno nga nahitabo. Sayang lang kay hinay kaayo kog lakang. Threesome unta ang mahitabo." Matud pa ni Eser, ug mihunghong kang Lina, "gusto kang ma-TY ang imong utang naku? Pwes, may ipabuhat ko nimo." matud pa ni Eser nga naka pakunot sa agtang sa babaye. (Unsa man diay kaha ang nahunahunaan sa bayot nga si Eser?) (Sumpayan)