Gula 9
“Human na og masahe ang buko-buko Mon, hayang na sab,” giingnan ni Sheila si Ramon. Miagulo si Ramon ug wala siya masayod kun unsa ang iyang buhaton.
Ikauwaw gayud ni Ramon kay mitughoy na pag-ayo ang iyang pagka lalaki nga giganahan sa tanto nga paghapyud-hapyod ni Sheila sa iyang dapit sa sampot.
“Hayang na Mon,” matud ni Sheila nga miabag pa sa pagpahayang ni Ramon. Wala na gayud makapugong si Ramon sa iyang gibati.
Ingon sa kadtong gibati niya nga kakapoy kaganina takulahaw lang nga mikagiw gikan sa iyang kalawasan. Niining higayona ang grabeng kalalim mao na ang iyang gibati.
Hinay siya nga mihayang. Nagkatagbo ang ilang mga tinan-awan ni Ramon ug Sheila. Walay tingog nga migawas gikan sa ilang baba.
Miduko si Sheila ug maoy napunting sa iyang panan-aw ang nagtuybo nga pundiyohan nga bahin sa nipis nga short pants ni Ramon.
Mainampingon nga gigunitan ni Ramon ang bukton ni Sheila ug anam-anam kini nga gibunlot paingon kaniya.
Gigakos ni Ramon ang dalaga nga wala usab makatingog ug wala makabalibad.
Mao na lang ang ilang naalinggatan nga naghapa na si Sheila sa naghayang nga lawas ni Ramon. Ingon sila sa gianod sa sulog sa pagbati nga mihakop kanila atol sa maong higayon.
Takulahaw lang nga nag-ukobay na ang mga ngabil nila ni Ramon ug Sheila. (Sumpayan)