Mingawon gihapon

Dear Tita Salie,

Good day. Ako si Miery. Unsa may akong buhaton nga bisa’g dako na ko mingawon lang gihapon ko sa akong mama bisa’g kanunay na siya manarbaho sa laing lugar. Pasabta ko. Thanks.

* * *

Dear Miery,

Ayaw kaguol, kay bisan tuod dili makalingaw ang pagkamamingawon dili usab kini sakit nga makadaot. Ang kamingaw sama kini og gutom.

Ang kagutom nagpasidaan nga gusto ka nga mokaon. Ang kamingaw nagpasidaan nga gusto nimo makauban, magkasandurot sa imong mama. Ang pagkaon gikinahanglan aron moobra ug maayo ang lawas.

Ang pagpakig-uban gikinahanglan aron maayo ang atong bation. Duol sa mga higala nimo nga malipayon, ang Diyos  nagpahayag sa Genesis 2:18 nag-ingon: “Dili maayo alang sa tawo ang magpadayon nga mag-inusara.” Ang pagpakig-uban gituyo aron magmalipayon ang imong kasingkasing. – Tita Salie