Dear Tita Salie,
Tagoa lang ko sa ngalan nga Dodong. Ang akong problema kabahin kini sa akong gipanguyaban kay hangtud karon wala pa gihapon ko niya sugta. Mag 3 years na ko nga nanguyab niya bisan og iya na ko nga giprangkahan nga wala siya nakagusto kanako, sige gihapon ko’g panguyab. Pasabta ko.
* * *
Dear Dodong,
Gipahayag nimo kaniya ang imong gugma inubanan sa paglaum nga ikaw sugton. Apan kun sa imong obserbasyon kini wala’y paglaom, sama ra nga ikaw naglimbong sa imong kaugalingon tungod kay siya wala gayud magtagad kanimo sa taas nga panahon.
Ayaw dugangi og kabug-at ang palas-anon nga buot nimo nga dad-on kay kun siya napugos lang sa pagsanong sa imong gugma nga buot mo nga maangkon, ikaw sa gihapon dili magmalipayon. – Tita