Daman Sa Udtong Tutok
Gula 5
Tuod man, milampos gayud si kuya Cain sa pagpusgay sa tibod sa akong kaputli. Nabatyagan ko ang tuman nga kasakit sa iyang pagpanamastamas sa akong pagkababaye. Nag-bleeding ko.
“Timan-i kini,” bahad ni kuya Cain human sa iyang paglugos kanako. “Ayaw gayud tug-ani sila tatay ug nanay sa akong gibuhat kun dili ka buot nga patyon ko ikaw. Ayaw gayud kini ibutyag ngadto ni bisan kinsa!”
Wala ako magtingog. Igo lang akong nagpatulo sa akong mga luha. Nabatyagan ko nga ingon sa midat-og kanako ang kalibutan.
Ingon sa maglisod ako pagtuo nga ang akong igsuon makahimo sa pag-unay og buong sa akong kadungganan. Sa akong nailhan, buotan ang akong maguwang. Apan wala diay tawo nga buotan kun masudlan na og demonyo ang hunahuna.
Niana nga pagkaudto, namauli kami sa balay dala ang napupo namo nga mga bunga sa batong, kalabasa ug paliya. Wala ako’y kadasig nga mitambong sa lamesa sa amo na nga pagpaniudto.
Gamay ra ang akong gikaon kay wala ako ganahi nga mikaon. Nagluya ang akong lawas. Gubot kaayo ang akong hunahuna. (Sumpayan)
- Latest
