Dear Tita Salie,
Tagoa lang ko sa pangalan nga Mr. DJ, 22 years old. My problem is about my situation. Napamabdosan man gud nako ang akong GF. Tinuod nga ako ang amahan sa iyang gisabak apan dili ko seryoso sa akong pakigrelasyon kaniya.
Nadala lang ko sa kainit sa lawas. Gipugos ko karon sa parents sa akong GF nga pakaslan ang ilang anak. Unsay akong buhaton? Pasabta ko. * * *
Dear DJ,
Dili lang ikaw ang may problema nga sama niini, mas hamtong ka pa kay sa uban. Angay ka gani nga malipay kay ikaw gayud ang amahan. Unsa ang imong bation kun usa sa imong relatives buhatan og sama niini?
Ayaw liboga ang imong hunahuna. Ang Lucas 6:31 nagpasabot nga angay nato nga hatagan og maayong pagtagad ang mga tawo aron ingon usab niini ang ilang ihatag kanato.
Kun dili kita gusto nga pasakitan, dili usab nato buhaton sa uban. Angay nato nga itanom kun ang binhi kun unsa’y gusto nato nga anihon. Ayaw daota ang kaugmaon sa imong umaabot nga anak. Tudloi ang imong kaugalingon nga tukoron ang usa ka malipayon nga pamilya. Tugoti nga ang Diyos maoy mogiya kaninyo aron kamo magmalampuson. (Tita Salie)