Dear Tita Salie,
Good day. Ako si Quinn, taga Carmen, Bohol. I’m 15 years old. Ang akong problema kay pirme lang ko nga sermonan sa akong mga ginikanan. Badlongon kuno ko kaayo. Kapuol g’yod paminawon uy. Pasabta ko Tita Salie.
Dear Quinn,
Dili lang ikaw ang mibati og sama niana. Wala g’yud nimo gitug-an ngano nga nakaingon ang imong ginikanan nga badlongon ka. Basin kun dili ‘sab ka motuman sa sugo sa imong mga ginikanan. Ug kun aduna kay buhaton dili nimo ibalik sa gibutangan ang maong butang, o dili ka mopauli sa tukma nga oras. Kini maoy mga butang nga angay nimo nga hatagan og dako’ng pagtagad. Kun hain man ugaling niining gihisgotan ko ang angay nimo nga usbon, usba kana. Kun gusto ka nga dili kana sermonan sa imong ginikanan, tumana ang ilang mga sugo kay usa kana ka papel isip anak. – Tita Salie