Gula 2
Wala danti og dos minutos gikan sa pagpadala ni Ramon og private message sa account sa maanyag nga babaye, nakadawat si Ramon og reply.
Mi-appear sa screen sa iyang cellphone ang maanyag nga hulagway sa babaye. Naglibog si Ramon kun unsay sunod niya nga buhaton. Gipahibalo dayon niya ang higala nga si Felipe.
Gitudloan siya nga pisliton lang og kausa ang lingin nga hulagway aron makita ang message sa sender. Tuod, gipindot ni Ramon ang hulagway nga diha sa screen.
Wala g’yud tuod mosipyat kay migawas ang mga mensahe gikan sa babaye nga gipadad-an ni Ramon og private message. “How are you?” matud sa maanyag nga babaye.
Gitutokan pag-ayo ni Ramon ang hulagway sa babaye. Gitudloan si Ramon sa iyang amigo nga moadto sa account sa mao nga babaye aron makita ang uban pa niini nga kasayuran kabahin kaniya.
Tuod, nakita ni Ramon nga ang babaye nagtrabaho diay sa accounting office sa usa ka kompaniya. “Pangutan-a unsa’y tinuod niya nga nga’n kay tan-awon nato og motug-an ba,” matud ni Felipe.
“Dili lang nato dali-dalion bai, moabot ra kanang higayona kun magkasuod na g’yud mi,” matud ni Ramon. Gi-reply ni Ramon ang personal message ni Kenn.
Mi-post si Ramon og maanindot nga mga mensahe ug gipaubanan niya og mga maanindot nga hulagway. Kanunay g’yud nga mo-like si Kenn sa mga posts ni Ramon.
Hangtud nga usa ka Sabado, mi post si Kenn og mensahe nga nagbutyag nga anaa siya sa usa ka beach resort sa Lapu-Lapu. Gipadad-an ni Ramon og private message nga magkita sila sa beach. (Sumpayan)