Gula 18
Nakasabot si Arthur ngano nga gikapoy pag-ayo si Shane. Nakahimo sila og tulo ka hugna sa kumbati sa ibabaw sa kama hangtud nga mipauli siya nianang kaadlawon.
Gitug-anan ni Art si Shane nga gusto siya’ng mag-half day lang ug dili na siya mo-duty inig ka hapon. Nahibulong si Shane kun ngano nga mag-half day ra si Arthur.
“Duna kay lakaw unya?” gipangutana ni Shane si Arthur pinaagi sa text message. Gitawgan ni Arthur si Shane. Giingnan niya nga gusto siya nga makigpanuroy inig ka hapon.
“Mamahuway ta unya. Manulod ta’g motel kay dili man puwede diha sa imong gipuy-an. Oki ba?” gipangutana ni Arthur ang iyang girlfriend. Miuyon si Shane sa nahuna-hunaan ni Arthur ug nagkasabot sila nga magkita sa downtown mga ala-una. Nagkasabot sila nga magdungan sa pagpaniudto.
Tuod, nagkita sila sa usa ka downtown department store. Nangaon sila sa food court ug pagkahuman, nanakay sila’g taksi paingon sa usa ka motel.
Didto gisubli na usab nila ni Art ug Shane ang pagtagay sa lawasnong kalipay sa wala pa sila mamahuway. Igo lang sila nga makatagpilaw kadiyot, sublion na usab nila ang ilang pagtagay sa kalipay ibabaw sa kama.
“Abi nimo Shane, giisip nako nga ako maoy labing suwerte nga lalaki sa kalibutan kay naangkon ko ikaw. Gusto ko nga mahimo ko ikaw nga kapikas na gayud sa kinabuhi,” matud ni Art. Nakapahiyom si Shane nga mihawok kang Art. “Ubanan ko ikaw sa inyo sa probinsya ug pahibaw-on nato ang imong mga ginikanan nga magminyo na ta,” matud ni Arthur.
Nagparayganay na usab sila si Art ug Shane nga tugob na gayud sa kamalipayon. (Kataposan)