Tilaw sa katam-is

Gula 16

Miuyon si Shane sa sugyot ni Arthur nga mamalhin sila sa kuwarto sa dalaga. Gisakyan ni Art ang kabalaka ni Shane nga kun anha sila magparayganay sa gamay’ng sala sa giabangan nila ni Shane basin og may maniid kanila ug sila makit-an sa ilang gihimo.

Gihambin na pag-ayo nila Shane ug Art ang dili matukib nga kahinam sa usa’g-usa. Nakamatikod na gani si Arthur nga may bahin na sa iyang lawas nga mitingkaag na, nag-anam kini’g kagahi tungod sa wala’y hunong

nila nga pagparayganay ni Shane.

Tuod, wala na g’yuy pugong-pugong ang pagparayganay nila ni Shane ug Art sulod sa kuwarto sa dalaga. Nahuna-huna ni Arthur nga siya ang labing suwerte nga lalaki karong gabhiona.

Duna’y gihunghong si Art ngadto sa dalaga diha nga mihunong siya sa pagpabatyag niini og kainit sa romansa. “Ha? dili ko uy, momabdos unya ko,” matud ni Shane.

Apan sa padayong pagromansa ug pagpabatyag og parayeg ni Arthur ngadto kang Shane, wala na motutol pa ang dalaga diha nga gitagsa-tagsa ni Art sa pagpanangtang ang mga salimbong sa iyang kalawasan.

“Art, basin baya og momabdos ko ha? Imo ra unya ko nga biyaan,” matud ni Shane sa tingog nga mura’g gahangos. Gipasaligan pag-ayo ni Art ang dalaga nga andam siya nga manubag kun mamunga ang ilang pagabuhaton.

Alang kang Arthur, wala na g’yuy makapugong pa sa iyang pag-angkon sa dalaga. (Sumpayan)