Dear Tita Salie,
Si Lolit ni from Mandaue City. Gusto ko lang ipahubad kanimo kun unsa’y buot ipasabot sa akong damgo. Nagdamgo ko nga gigukod ko’g halas unya naapsan ko ug napaakan g’yud. Dayon, ang halas nahimo nga lalaki. Unsa’y buot ipasabot niini Tita Salie?
Good Day Lolit,
Sa una’ng panahon sa kasaysayan, ang mga damgo adunay kahulogan. Sama kang haring Nabukodonor ug ni haring Paraon diha sa Bibliya. Ang ilang mga damgo tinuod ug nagkinahanglan kini nga mahubad sanglit gusto man sa Diyos nga ipaagi ngadto kanila ang mga pasidaan sa umaabot aron nga pabiling mahimaya ang Diyos. Apan ang yawa naghimo usab og mga pagpadamgo aron malimtan ang himaya sa Diyos. Ang kasulatan sa Jeremias 23:32 nag-ingon: “Ania ako batok sa mga managna sa bakak nga mga damgo nga nag-asoy niini ug nagpalatagaw sa akong katawhan tungod sa ilang kabakakan ug tungod sa ilang pagpanghambog. Apan ako wala magpadala kanila o magsugo kanila. Mao nga sila dili gayud magpulos niini nga katawhan mao ang giingon ni Jah. Mao nga, Lolit, kun ang damgo nga gikan sa Diyos, ang Diyos magatugot nga kini mahubad. Apan kun ang damgo bunga lang sa atong pagsige’g hunahuna, kini molabay ra. – Tita Salie