Gula 21
Nanindog sila si Kenn ug Lyn gikan sa gilingkoran nila nga lantay ilawom sa mansanitas nga nahimutang daplin sa karsada kay tugaw na kaayo. Usahay hunongan sila sa mga habal-habal kay magtuo nga mosakay sila.
Giagbayan ni Kenn ang iyang girlfriend nga taga siyudad samtang hinay sila nga naglakaw balik sa ilang balay. “Nalipay ka ba nga nagka sweetheart ta, Lyn?” gipangutana ni Kenn ang dalaga.
“Of course, lipay g’yud kay kinsa’y nagdahom nga ang ambongan ra diay nga igsuon ni Nympha ang akong mahimong boyfriend,” ni Lyn. Ingon sa gisanapan sa kalipay si Kenn nga nakadungog sa gisulti ni Lyn.
Gigakos na usab niya ang dalaga ug giukoban ang mga ngabil. Misukol si Lyn sa pakigparayganay kang Kenn. Bisan sa katugnaw sa kaadlawon, mihari ang kainit sa ilang kalawasan.
“May payag-payag si Tiyo diha sa iyang uma sa unahan Lyn, adto usa ta didto,” giingnan ni Kenn ang dalaga. Gisubay nila ang gamay’ng dalan-dalan paingon niadtong payag.
Pahuwayanan ra sa tiyo ni Kenn ang maong payag kun moadto siya sa iyang uma. “Nindot lagi ni pagkahimo nga payag no? “ matud ni Lyn diha nga nanglingkod na sila sa lantay.
Subli nga giparaygan ni Kenn ang dalaga. Ingon sa mipaspas usab ang ilang pagginhawa ug ang ilang pagparayganay. Nagpanghiram na si Kenn sa kalawasan ni Lyn. (Sumpayan)