Maghikog kun buwagan

Dear Tita Salie,

Just call me Marie, minyo na. Aduna man gud ko’y karelasyon nga usa pud ka minyo. Gusto na unta ko nga makigbuwag niya apan dili man siya mosugot.

Magpakamatay kuno siya kun makigbuwag ko. Na-realized man gud nako nga daku’ng sayop ang among relasyon. Unsa may akong buhaton? Palihug pasabta ko, Tita Salie.

* * *

Hello Marie,

Usa ka butang nga sulondon ang pagbati og gugma. Apan sa imong sitwasyon diha sa mga mata sa tawo ug sa mga panlantaw sa Diyos, tinuod ang imong giingon nga daku’ng sayop ang pagpakigrelasyon sa tawo nga may kabilinggan na sa kinabuhi. Husto ka sa imong hukom, Marie nga putlon na nimo ang inyong relasyon nianang mao nga tawo nga minyo.

Ayaw kahadlok sa iyang hulga nga kun imo siya nga buwagan magpakamatay siya.

Maoy huna-hunaa ang imong kaugmaon nga ikaw ra ang maalaot kun magpadayon ka nga makiglambigit kaniya nga wala nay kagawasan sa paghigugma og lain sa mga mata sa tawo ug sa Diyos. - Tita Salie