Nagmahay

Dear Tita Salie,

My name is Essay.  Wa ko makatiwas og eskuyla kay naminyo ko’g sayo. Nagmahay ko nga  wa magtarong sa pag-eskuyla. Ang akong bana nakasala sa among kaminyoon. Desidido kong buwagan siya. Apan magpakamatay man daw siya kun akong buwagan. Pasabta ko. Salamat.

* * *

Dear Essay,

Dili lang ikaw ang nakasugat sa ingon niini nga problema. Sa mga mata sa tawo seguro sila dayon moingon nga sayon ang panagbulag. Pero sa imong situwasyon dili sayon. Dili sayon  nga ang gipundar nimo nga pamilya mawala lang sa kalit, dili ba?

Dili solusyon ang pagbulag sa pamilya kun dunay problema. Apan kini nagdepende gayod kini kanimo. Kun mahimong makapasaylo ka sa imong bana pasayloa siya, apan kun dili, pamalandonga kini. Ang paghatag og ikaduhang higayon makatabang kanimo. -- Tita Salie