“Wala na g’yuy makapugong kanato karon sa pagparayganay dinhi Neth,” giingnan ni Jeffrey ang iyang girlfriend.
“Bitaw, kagabii kita ra diay ang gibantayan sa akong mga barkada. Gisungog ko nila nga game kuno kaayo ko nimo kay gipasagdan ra kuno ka nga miparayeg nako og maayo,” matud ni Janeth.
Igo lang mipahiyom si Jeffrey nga naminaw sa iyang girlfriend. Gitug-anan siya nga gituyo diay sa mga barkada ni Janeth nga nagsuroy-suroy sa baybayon kagabii ug dugay’ng namalik kay gihatagan sila og lugar.
“Sige, dinhi Neth, kita ra g’yud ug walay makatugaw kanato,” matud ni Jeffrey nga mipadayon sa pagparayeg ni Janeth. Mialayon na si Janeth sa pagparayeg ngadto kang Jeffrey. Dali ra kaayo’ng nanginit ang ilang kalawasan.
Diha pa masayri ni Jeffrey nga paraygon ‘sab diay kaayo si Janeth. Mura’g ila ang tibuok kalibotan niadto’ng higayona. Dili matukib sa pulong ang gibati’ng kalipay sa duha ka maghigugmaay hangtud nga gianod gayud sila sa makusog nga sulog sa tagsa-tagsa nila ka mga pagbati.
Giangkon ni Jeffrey si Janeth nga wala gayud ‘sab magmakuli sa pagtugyan sa iyang kaugalingon ngadto sa iyang boyfriend. Gisubli-subli nila ang mga malipayong gutlo sa ilang panag-uban sulod sa bugnaw kaayo’ng lawak sa motel nga ilang gisudlan.
“Single ka ba g’yud Jeff?” gisukna sa dalaga ang iyang boyfriend. “Kalooy sa diyos, single pa g’yud ko Neth. Gusto ko nga ikaw maoy akong dad-on sa altar sa kaminyoon,” matud ni Jeffrey sa seryoso kaayo nga tingog.
“Salamat kaayo Jeff. Daghan baya kaayo ang nanguyab nako apan wala nako sila sugta kay wala ko’y kaugmaon nila uy. Gusto ko nga mahaw-as na sa grabe’ng kalisud. Dili pareho nimo nga kun manuroy ta, duna ta’y sakyanan,” ni Janeth. (Sumpayan)