Jezebel
Gula 199
“Kun mao kana, ipadayon ta ang atong gugma, Jezebel. Kalimtan ta ang nightmare sa atong kinabuhi ug lantawon nato ang umaabot,” nagkanayon si Edward.
“Yes, Edward. Uban nimo, magsugod ko sa bag-ong kinabuhi.”
Unya naanod mi sa tagsa-tagsa namo ka pagbati. Nag-akob ang among mga ngabil.
Wala ko makatutol diha’ng gipanangtang ni Edward ang mga salimbong sa akong lawas. Paglabay sa pipila ka daklit, pareho na kami nga walay mga sapot.
Gipahigda ko ni Edward sa katre. Gikaligoan ko niya sa nagpungasi niya’ng mga halok. Nanginit og maayo ang akong kalawasan. Gibati ko ang kalalim sa gihimo ni Edward. Mura ko’g nakuryentehan.
Pagkilab sa mga gutlo, gihingpit na namo ni Edward sa pagpahungaw ang kamingaw namo sa usa’g-usa.
Among gitambayayongan pagsaulog ang sulondon’g ritwal sa gugma. Hangtud nga gisaw-an namo ang makabuhong nga kalipay. Gibati namo ang katagbawan.
Sa akong bahin, wala ko magmahay sa akong kapalaran. Malipayon ko sa kiliran ni Edward. (Katapusan)
- Latest
