Dili gusto’ng isalikway

Dear Tita Salie,

Ako si Wella. Nanguyab nako pagbalik ang akong Ex BF ug nga mas malipay ko niya kay sa usa nako’ng BF. Tungod lagi kay mas malipay ko sa akong Ex, wala ko g’yud palabya ang maong higayon ug akong gidawat pagbalik ang iyang gugma. Ang nakapaet karon, Tita, kay love pud nako ang usa nako’ng BF ug wala g’yud siya masayod nga nakigbalik ko sa akong Ex. Dili nako kaya nga sultihan siya sa tinuod kay basin isalikway ko niya. Kun akong itandi ang duha, mas bug-at g’yud ang ikaduha ug malipayon ko niya. Unsa may akong buhaton?

* * *

Maayo’ng adlaw nimo Wella,

Tan-awa pag-ayo ang inyo’ng sitwasyon kun wala ka ba ma-influence sa inyo’ng kahimtang karon. Tingali kun may conflict lang mo sa imo’ng una’ng uyab ug maoy hinungdan nga nakaingon ka’ng mas malipayon ka sa imo’ng ikaduha. Mas midako ang imong kalibog kay ang tinuod in-love pa ka sa imong una’ng BF apan karon nagkabalik mo sa imong EX. Makalibog g’yud kaayo kun kinsa sa duha ang atong ipadayon ug hain kanila ang buwagan. Wala sad ka’y peace of mind kay makuyawan ka’ng mahibaw-an nila nga duha sila. Dili ‘sab maayo nga imong ipadayon ang duha ka relasyon kun gusto nimo nga respetohan ka sa mga tawo. Bisan sakit apan kinahanglan g’yud nga mo-decide ka ug aron maayo ang resulta sa imong paghukom, mas maayo seguro nga mo-distansya ka una nila’ng duha. Ayaw una pagpakigkita o pagpakig-estorya kanila bisan sa text. Hatagi og higayon ang imong kaugalingon nga mohuna-huna. - Tita Salie