Be my Valentine, sir

Be my Valentine, Sir...!  Nakapanglingo si Romy nga nahatutok kang Angelie, iyang guwapang estudyante sa English subject, nga prangka kaayong mitug-an kaniya sa gibati niini, ning dungan nilang pag-snak   sulod sa kanten sa unibersidad nga iyang gimaestrohan. Si Angelie, second year college sa kursong Bachelor of Arts ug maoy labing guwapa sa campus sa unibersidad kay siya man ang napiling “Miss Campus Girl.”

Hugot nga gitutokan ni Romy si Angelie. Sa unibersidad, bisan 30 anyos na si Romy nga nagpabiling ulitawo, ug nagpabilin ang iyang kabatan-on nga nakapalutaw sa iyang pagkaguwapo ug ka-macho. Siya ang maestro nga gipantasya sa mga kolehiyalang estudyante.

“Gelie, dili pa ka angay nga akong mahimong Valentina, kay sixteen pa ka ug menor-de-edad...!”

“Sus, si sir Romy! Mibalibad pa! Swerte ka, Sir, nga ako nay mitanyag sa akong kaugalingon nimo! Timan-i nga daghang mga lalake nga nanguyab nako ning unibersidad, apan akong gibasted tungod nimo...!”

“Dili ta pareson Gelie! 30 anyos na ko ug ikaw 16! Ginadili namong mga maestro ning unibersidad nga manguyab ug makigrelasyon sa estudyanteng menor-de-edad...! “Madly in love ko  nimo, Sir, Ayaw ko’g ingna nga bayot ka..?”

Nahatutok na usab si Romy sa iyang estudyante nga Miss Campus Girl sa unibersidad ug anak pa gyud og adunahang negosyanteng mga ginikanan dinhi sa siyudad nga nanag-iya og dagkong apartments, pension house ug dakong tindahan og sapatos sa downtown area. Pagkasuwerte niya nga maoy gihigugma ni Angelie ug andam itugyan kaniya ang kaugalingon niini.

“Sir Rom, karong umaabot Valentine’s Day, gusto kong mag-deyt ta sa unang higayon, ha? Kuhaon tika sa akong serbis nga Honda Civic  sa inyong balay sa Liloan!”

Adlaw sa gugma. Wa makabalibad si Romy dihang gikuha gyud siya sa guwapa niyang estudyante sa ilang balay sa Cabadiangan, Liloan, sa serbis niining Honda Civic.

Ug didto sila sangko sa usa ka mahalong beach resort sa Plantation Bay sa Marigondon. Mitsik-in sila sa mahalong cottage nga si Angelie ang miabaga sa tanang galastohan.

“Dinhi ko ikaw dad-a Sir, aron safe ta! Kuyaw kun motsik-in ta’g motel nga makuwestiyon ug madakpan ka, kay menor-de-edad pa ko!” (Kataposan)