Dili makigbalik

Dear Tita Salie,

Just call me Vie, 14 years old. My problem is all about my life, particularly my lovelife. Three months ago nauyab nako si Mr. H. Buotan kaayo siya ug iyang gipakita kanako nga love ko niya.

But after six months, nagkita mi’g balik sa akong Ex nga si Mr. Z ug nagkabalik mi. Love pa nako si Z mao nga nakigbulag ko ni H. But later, na-realized nako nga mas ganahan diay ko ni H. So, nakigbulag na sad ko ni Z. Pero diha’ng akong gi-approach si H, miingon man siya nga dili na siya nako kay dili niya makalimtan ang akong gibuhat kaniya sakit, kuno kaayo. Imposible na g’yud kaha Tita nga magkabalik mi ni H? Unsa may akong buhaton?

Hello, Vie!

Sa nahitabo sa imong lovelife, nagtimaan lang kini sa imong pagkabatan-on. Bata pa kaayo ka alang niining maong butang. And to tell you honestly, you do not know yet kun unsa g’yud ang tinuod nga meaning sa gugma. Wala pa ka masayod kun unsay gugma sa tinuoray niining kahulogan hinungdan nga karon naglibog ka kun kinsa g’yud kanila’ng duha ang imong gihigugma.

Mas maayo pa nga mo-fucos ka usa sa imong pag-eskuwela ug ayaw problemaha ang maong butang. Tiwasa usa ang imong pagtuon kay mao kini ang imong puhonan alang sa imong maayo nga kaugmaon. Ayaw problemaha ang gugma kay muabot ra kana kun andam ka na ug masayod ka na unsaon paghigugma. - Tita Salie