Dali magdumot

Dear Tita Salie,

I’m Julia, 17 years old. Naproblema ko sa akong batasan nga dali ra kaayo magdumot unya kun maglagot ko, apil ang tanan. Maghuot ang akong dughan sa kalagot nga dili nako mapagawas. Feeling nako, Tita Salie, lonely kaayo ko.

Wala ko kasabot sa akong gibati. Please pasabta ko kun unsa’y akong buhaton.

* * *

Hi Julia,

Sukad pa sa una’ng panahon, may mga tawo g’yud nga ingon niana, ilabi na nga sa atong panahon karon ang kalibutan gisamok sa yawa. Apan mahimo’ng mabuntog ra kini nato kun duna kita’y higala nga kadangpan, kasumbongan sa atong problema. Bisan unsa pa kita ka lonely, lipayon kita sa Diyos. Siya ang maayo’ng higalaon nato. Ug kita iya’ng gitambagan sa Colossis 3:9,10. “Hukasa ang daan nga pagkatawo uban ang mga buhat niini ug isul-ob ang bag-ong pagbataw nga pinaagi sa tukma’ng kahibalo gibag-o sumala sa larawan sa usa nga naglalang niini. - Tita Salie