Dear DJ Jacky G,
Kada gabii,mag-ampo g’yud ko. Magpasalamat ko sa tanang grasya nga nadawat nako ug sa ako’ng pamilya. Pero gamay ra ang thank you.
Mas daghan g’yud ang mga pangayo ug request para sa nagkalain-laing butang. Nakabasa ko nga ang mas effective kuno nga pag-ampo kana’ng mu-focus ra ka sa usa o duha nga pinaka-importante para nimo.
Dili kuno tanan-tanan pangayoon para makahibawo ang Ginoo ug unsa g’yud ang imo’ng labing gusto makuha. Husto ba ni Jacky? JMD
Dear JMD,
I believe that God knows what’s in our hearts and minds. Kahibawo na Siya daan ug unsa g’yud ang imo’ng labing gusto makuha bisan og wa pa nimo gisulti. Pero dili pasabot ani nga dili na lang pud ta mosulti Niya kay kahibawo na man diay Siya.
Importante man gud ang communication in every relationship. Same with our relationship with God. Isulti sa Ginoo ang mga gusto nimo’ng isulti. Wa’y sayop ana’ng i-ampo nimo ang tanan-tanan! The big things, the little things…everything! Ang Ginoo dili sama sa tawo nga pipila ra sa ato’ng gipangsulti ang mahinumdoman ug makalimtan na ang uban. So go ahead and pray about everything. Ug mag-ampo ta, ma-doble ang ato’ng kalipay sa mga grasya’ng ato’ng nadawat ug mogaan ang ato’ng pamati sa mga problema’ng atong gi-atubang. – DJ Jacky G
Kun gusto ka’ng ma-feature sa DDJJG, i-like akong FB fanpage ug i-private message imo’ng problema sa: www.facebook.com/djjackyg and follow me on IG: www.instagram.com/djjackyg. Mapaminawan ko ninyo sa radyo matag 9-11am, Mon-Fri sa MOR 97.1 Lupig Sila! For Life!