Nakit-an sa akto

Dear Tita Salie,

Maayong adlaw. Ikaduha na nako ning padala sa akong suliran. Ako kadtong nagpangalan lang og Carlos ang bana nga nagproblema sa kaugalingon tungod kay dali ra kaayong magawasan.

Misamot kadako ang akong problema karon,  Tita Salie, kay nagkagrabe na ang akong asawa. Tungod kay dili gyud siya matagbaw nako. Nakighilawas siya sa tag-iya sa balay nga among giabangan ug nasakpan gyud nako siya sa akto nga perti gyud niyang lingawa nga  laing lalaki ang iyang partner.

Dili pa igo, mabantayan usab nako ang akong asawa, Tita Salie, nga magsariling sikap na lang. Naluoy ko sa akong asawa ug nasayod ko nga ako gyud ang sad-an niining tanan tungod sa akong problema sa akong kaugalingon. Unsa may akong buhaton, Tita Salie? Palihug pasabta ko.

* * *

Maayong adlaw usab kanimo. Salamat kaayo sa imong padayon nga pagsunod niining atong column.

Dili gyud lalim ang nahitabo kanimo ug sa imong kaminyoon. Ang uban pa gani makapatay tungod nianang hitaboa. Maayo na lang kay nagpabilin gyud ang imong kabugnaw sa hunahuna ug pagkakalmado.

Ayaw pasagdi ang imong asawa nga magbuhat niini. Tinuod nga maluoy ka sa imong asawa nga dili ma-enjoy diha kanimo sa lawasnong kainit, apan dili usab   buot ipasabot nga puwede  na niyang buhaton ang bisan unsay gusto niya tungod kay anaa ka nga iyang bana ug minyo na siya.

Ipakita usab ang imong pagkabana nga duna kay katungod niya pinaagi sa husto nga paagi. Ayaw siya bun-oga ug pasakiti. Estoryahe ang inyong problema. Ug pangita og paagi nga matagbaw siya kanimo. -- Tita Salie