Dear Tita Salie,
Maayong adlaw. Tawga lang ko’g Dine. Buwag ko sa bana ug annull na akong kasal. Bisa’g buwag na mi pero friend gihapon mi ug nag-support gihapon siya namo kay duna man mi mga anak.
Pagkakaron duna ko’y kaipon. Sa sinugdan maayo man siya, Tita Salie, kadugayan kay nilubad man. Iya na man daugdaogon ang akong mga anak. Ako na lang kahang palayason ang akong kaipon karon. Maayo kaha, Tita Salie? Unsay maayo kong buhaton? Palihug pasabta ko kay nagkonsemisyon na gyud ko. Thanks and more power to your column.
* * *
Maayong adlaw, Dine. Ang usa ka besti kun kini nilubad duna gayu’y hinungdan, di ba? Ang sulbad niini mao ang pagsusi kun unsa gayud ang hinungdan. Unya diha makita nimo ang kamatuoran.
Ang pagsusi kinahanglan gayud una nimo uyoni ang usa ka tawo. Ang kasulatan sa 1 Corinto 11:28 nagaingon: “Uyonan una sa usa ka tawo ang iyang kaugalingon human sa pagsusi.” ug hibalo, Dine, ang pagdaugdaog maoy ground sa annulment, busa kasal ka man o dili ang pagdaugdaog ug mga anak dakong supak sa balaod sa tawo labina sa balaod sa Diyos.
Dine, ikaduha na nga higayon nga kasinatian nimo kini, ug dili na nimo kini bag-o. Busa ikaw ang may katungod sa pagdesisyon niini. -- Tita Salie