Dili gusto masakitan

Dear Tita Salie,

Have a wonderful day. Just call me Maica, from Leyte, minyo ug dunay usa ka anak. Ang akong problema mahitungod kini sa akong ex-boyfriend who happened to be my first degree cousin.

Siya ang una nakong boyfriend, Tita, ang akong cousin. Dunay nahitabo tali kanamong duha bisan kun nakahibalo mi nga cousin mi, until such time nga I became pregnant. When he knew nga pregnant ko iya kong gipainom og tambal nga wala ko kaila, ug nawagtang ang akong gisabak ug nahunong ang among relasyon.

Karon, Tita, minyo na ko sa laing lalaki ug naminyo na usab siya. Duna na koy anak ug love kaayo nako ang akong pamilya. Apan kausa nagkontakay mi sa akong ex ug gusto niyang makigbalik nako. Sa tinuod lang love pa nako siya, Tita Salie, apan dili ko gusto nga masakitan ang akong anak ug ang akong bana tungod kay love pud kaayo ko nila. Unsa may angay nakong buhaton? Palihog pasabta ko, Tita Salie. Thanks and God bless.

* * *

Palihug ayaw na lisud-lisura ang imong kaugalingon. Napahimutang na man diay nimo ang imong kaugalingon busa ayaw na kini gubota  ug usba kay tingali unya kun maglisod ka na hinuon pagbalik ug pagplastar niini.

Nasayod ka ba nga daghan na kaayong broken families karon. Ug maluoy ka nga maghunahuna kanila labina sa ilang mga anak. Mosugot ka ba nga mabungkag usab ang imong mga anak. Mosugot ka ba nga mabungkag usab ang imong malipayon nga pamilya tungod lang sa imong pagpakabuang? - Tita Salie