Sustento para sa bata

Dear DJ Jacky G,

Nagsustento ko ron sa anak namo ug sa akong X. Akong nabalitaan nga adto man sa papa sa akong X mopadulong ang kuwarta. Sugarol raba unya palahubog pa g’yud. Mura ko’g nawad-an og gana nga mupadayon paghatag og kuwarta kay dili man diay ang akong anak ang nabulahan sa akong sustento. Mura pud ko’g na balewala kay ang apelyido sa mama man ang gidala sa bata. Love pa nako ang akong X pero dili lang g’yud kami magkasinabot. - SG NS            

Dear SG NS,

Padayuna lang ang pagsustento sa bata. Estoryahe lang ang imong X bahin sa imong nadunggan. Ug di g’yud maresolba ang problema sa paggasto sa iyang papa sa kuwarta nga para unta sa bata, ayaw na’g hatag og cash. Ikaw na mismo ang mopalit sa panginahanglan sa bata sama sa gatas, diapers ug uban pa. As long as ipakita nimo ang imong pagpangga ngadto sa bata, ilhon ka niya’ng amahan. Bisan pa’g dili imong apelyido ang gidala sa bata, it won’t change the fact that he is your flesh and blood. Yes, love pa gihapon nimo ang imong X. Pero matud pa sa kanta, “sometimes love just ain’t enough…”  Dili ra man gud gugma ang kinahanglan for a relationship to work. Bisan pa og pakyas mo sa inyo’ng relasyon, ayaw pakyasa ang imong obligasyon isip amahan sa inyong anak.- DJ Jacky G

Kun gusto ka’ng ma-feature sa DDJJG, i-like akong FB fanpage ug i-private message imong problema sa:  www.facebook.com/djjackyg  and follow me on IG:  www.instagram.com/djjackyg  Mapaminawan ko ninyo sa radyo matag 9-11am, Mon-Fri sa MOR 97.1 Lupig Sila! For Life!